అర్ధ శతాబ్దపు ఎర్రని సూరీడా...!

హైదరాబాద్‌: కార్తీక్‌రత్నం, కృష్ణప్రియ, నవీన్‌చంద్ర, సాయి కుమార్‌ ప్రధాన పాత్రల్లో నటిస్తున్న చిత్రం ‘అర్ధ శతాబ్దం’ (ది డెమోక్రెటిక్‌ వైలెన్స్‌) అనేది ఉపశీర్షిక. రవీంద్ర పుల్లే దర్శకత్వం వహిస్తున్న ఈ చిత్రానికి సంబంధించి తాజాగా  ‘‘ఎర్రానీ సూరీడే’’ అంటూ సాగే పాటను ప్రముఖ యువ దర్శకుడు తరుణ్‌ భాస్కర్‌ ఈరోజు ఆవిష్కరించారు. ఈ పాటలో అచ్చమైన పల్లె వాతావరణాన్ని, శ్రమజీవుల కష్టాల్ని , కులవృత్తుల గురించి ప్రస్తావించారు. పాటకి లక్ష్మి ప్రియాంక సాహిత్యం సమకూర్చగా  మోహన భోగరాజు ఆలపించారు. నౌఫల్‌రాజా సంగీతం అందించారు. వీర్‌ ధర్మిక్‌ సమర్పణలో రిషిత శ్రీ, 24 ఫ్రేమ్స్ సెల్యూలాయిడ్‌ పతాకంపై రూపొందుతున్న చిత్రానికి చిట్టి కిరణ్‌ రామోజు, తేలు రాధాకృష్ణ నిర్మాతలు. ఇప్పటికే చిత్రానికి సంబంధించిన పోస్టర్‌, టీజర్‌, పాటలు విడుదలై ఆకట్టుకుంటున్నాయి. మార్చి 26న సినిమా ‘ఆహా’ ఓటీటీ ద్వారా విడుదల కానుంది.