Panchathantram: విజయ్‌ దేవరకొండ షేర్‌ చేసిన మెలోడి

హైదరాబాద్‌: ప్రముఖ హాస్యనటుడు బ్రహ్మానందం ప్రధాన పాత్రలో నటిస్తున్న ఫీల్‌గుడ్‌ చిత్రం ‘పంచతంత్రం’. హర్ష పులిపాక దర్శకుడు. త్వరలో చిత్రం ప్రేక్షకుల ముందుకు రానుంది. ఇందులో భాగంగా సోమవారం ఉదయం ‘పంచతంత్రం’ నుంచి ఓ మెలోడిని నటుడు విజయ్‌ దేవరకొండ విడుదల చేశారు. ‘అరెరె అరెరె’ అంటూ సాగే ఈ ఫీల్‌గుడ్‌ పాటను విడుదల చేయడం తనకెంతో ఆనందంగా ఉందని విజయ్ తెలిపారు. చిత్రబృందానికి ఆల్‌ ది బెస్ట్‌ చెప్పారు. నరేశ్‌ ఆగస్త్య, రాహుల్‌ విజయ్‌, శివాత్మిక రాజశేఖర్‌, దివ్య శ్రీపాద, సముద్రఖని, స్వాతి తదితరులు ఈసినిమాలో కీలకపాత్రలు పోషించారు.