Sarpatta Review: రివ్యూ: సార్పట్ట
Sarpatta Review: ఆర్య కీలక పాత్రలో నటించిన ‘సార్పట్ట’ ఎలా ఉందంటే?
చిత్రం: సార్పట్ట, నటీనటులు: ఆర్య, దుషారా విజయన్, పశుపతి, అనుపమ కుమార్, సంచన నటరాజన్, జాన్ కొక్కెన్, కలైరాసన్, సంతోష్ ప్రతాప్, జాన్ విజయ్, షబీర్ తదితరులు; సంగీతం: సంతోష్ నారాయణ్; సినిమాటోగ్రఫీ: మురళి.జి; ఎడిటింగ్: సెల్వ ఆర్.కె.; స్టంట్స్: అన్బరివ్; ఆర్ట్: టి.రామలింగం; నిర్మాత: షణ్ముగమ్ దక్షణ్రాజ్; రచన, దర్శకత్వం: పా.రంజిత్; విడుదల: అమెజాన్ ప్రైమ్ వీడియో
క్రీడా నేపథ్యంలో ముఖ్యంగా బాక్సింగ్ ఇతివృత్తంగా అన్ని చిత్ర పరిశ్రమల్లోనూ సినిమాలు వచ్చాయి. ఇటీవల ఓటీటీ వేదికగా విడుదలైన ‘తుఫాన్’ కూడా బాక్సింగ్ నేపథ్యంలో వచ్చిన చిత్రమే. తమిళంతో పాటు తెలుగు ప్రేక్షకులకు సుపరిచితుడైన నటుడు ఆర్య. ఇక రజనీతో ‘కబాలి’, ‘కాలా’ తీసి మంచి క్రేజ్ తెచ్చుకున్న దర్శకుడు పా.రంజిత్. వీరిద్దరి కాంబినేషన్లో వచ్చిన చిత్రం ‘సార్పట్ట’. పీరియాడికల్ స్పోర్ట్స్ డ్రామాగా వచ్చిన ఈ చిత్రం ఎలా ఉంది? బాక్సర్గా ఆర్య ఎలా నటించాడు? సామాజిక సమస్యలను ప్రస్తావిస్తూ కమర్షియల్ హంగులు జోడించే పా.రంజిత్ ఈ సినిమాను ఎలా తెరకెక్కించాడు?
కథేంటంటే: ఆంగ్లేయులు తమ సరదా కోసం కొందరు భారతీయులకు బాక్సింగ్ నేర్పిస్తారు. అలా బాక్సింగ్ నేర్చుకున్న కొందరు తమ తర్వాత తరాల వారికి కూడా దాన్ని నేర్పుతారు. ఈ క్రమంలో కొందరి కుటుంబాల్లో బాక్సింగ్ వంశపారంపర్యంగా వస్తుంటుంది. అలా ఇడియప్ప, సార్పట్ట పరంపరలు ఈ సంప్రదాయాన్ని కొనసాగిస్తూ పోటీ పడుతుంటాయి. ఉత్తర చెన్నైలోని ఓ హార్బర్లో కూలిగా పనిచేస్తుంటాడు సమరన్(ఆర్య). చిన్నప్పటి నుంచి బాక్సింగ్ అంటే పిచ్చి. స్కూల్ ఎగ్గొట్టి మరీ పోటీలు చూడటానికి వెళ్లేవాడు. అయితే, సమరన్ బాక్సింగ్ పోటీలకు వెళ్లడం తల్లి భాగ్యం(అనుపమ కుమార్)కు నచ్చదు. ఒకరోజు ఇడియప్ప× సార్పట్ట పరంపరల మధ్య జరిగిన బాక్సింగ్ పోటీలో సార్పట్ట ఓడిపోతుంది. దీంతో సార్పట్ట తరపున బాక్సింగ్ చేసి గెలుస్తానని సమరన్ ప్రతిజ్ఞ చేస్తాడు. సమరన్ బాక్సర్ అవడం అతని తల్లికి ఎందుకు ఇష్టం లేదు? మరి సమరన్ ఎలా బాక్సర్గా మారాడు? ఈ క్రమంలో అతనికి ఎదురైన అనుభవాలు ఏంటి? ఇడియప్ప పోటీదారైన వేటపులి(జాన్ కొక్కెన్)ని ఓడించాడా? సార్పట్ట పరంపర పరువును నిలిపాడా? తెలియాలంటే సినిమా చూడాల్సిందే!
ఎలా ఉందంటే: ప్రేక్షకుడికి ఉత్సాహం పంచుతూ, ఉత్కంఠ కలిగిస్తూ అలరించే చిత్రాలకు కేరాఫ్ అడ్రస్ స్పోర్ట్స్ డ్రామా. ఎందుకంటే భావోద్వేగాలు అత్యున్నత స్థాయిలో ఉంటాయి. అవే సినిమా జయాపజయాలను నిర్ణయిస్తాయి. ఈ విషయంలో ‘సార్పట్ట’ దర్శకుడు పా.రంజిత్ సక్సెస్ అయ్యారు. గతంలో ఆయన తీసిన చిత్రాలు తెలుగు ప్రేక్షకులను పెద్దగా అలరించలేకపోయాయి. కానీ, బాక్సింగ్ నేపథ్యంలో వచ్చిన ‘సార్పట్ట’ ఆ ఖాళీని పూర్తి చేసింది. 70వ దశకం చివరిలో విధించిన ఎమర్జెన్సీ కాలానికి బాక్సింగ్ నేపథ్యాన్ని జోడించి సినిమాను తీర్చిదిద్దాడు దర్శకుడు. ఇతర విషయాల జోలికి వెళ్లకుండా నేరుగా కథలోకి తీసుకెళ్లిపోయాడు. బాక్సింగ్ అంటే ప్రాణం పెట్టే ఓ యువకుడు అనుకోకుండా బాక్సర్గా మారడం, ఇరు వర్గాలు చేసే కుట్రల నుంచి తప్పించుకుని పోటీలో దిగడం తదితర సన్నివేశాలతో ఆసక్తిగా తీర్చిదిద్దాడు.
మొదటి అరగంటలో వచ్చే బాక్సింగ్ సన్నివేశాలు చూసే ప్రేక్షకుడిలో సినిమాపై ఆసక్తిని పెంచుతాయి. దాన్ని ఏమాత్రం తగ్గకుండా ప్రథమార్ధమంతా కొనసాగించాడు దర్శకుడు. విరామానికి ముందు వచ్చే బాక్సింగ్ ఫైట్ చూస్తే సినిమా క్లైమాక్స్ ఫైటా? అన్న స్థాయిలో ఉంటుంది. అంతలా అలరించేలా ఆ ఫైట్ సీక్వెన్స్ తీర్చిదిద్దారు. దీంతో ద్వితీయార్ధంలో ఏం చూపించబోతున్నాడా? అన్న ఉత్కంఠ ప్రేక్షకుడిలో కలుగుతుంది. అయితే, ఎమర్జెన్సీ కారణంగా గురువు రంగయ్య(పశుపతి)జైలుకు వెళ్లడంతో సమరన్ బాక్సింగ్ వదిలి చెడు వ్యసనాలకు బానిస అవుతాడు. ఈ క్రమంలో వచ్చే సన్నివేశాలు సాగదీతగా అనిపిస్తాయి. అక్కడి నుంచి కథ కాస్త రాజకీయ రంగు పులుముకుంటుంది. తన మార్కు సామాజిక సమస్యను స్పృశించే ప్రయత్నం చేశాడు దర్శకుడు. తాగుడు వల్ల వచ్చే అనర్థాలను చెప్పే ప్రయత్నం చేసినా, అవన్నీ సాగదీతగా అనిపిస్తాయి. కథ గమనం నెమ్మది అయిపోతుంది. ఈ క్రమంలో ఒకట్రెండు భావోద్వేగ సన్నివేశాలు ఉన్నా, పెద్దగా మెప్పించవు. ఎప్పుడైతే జైలు నుంచి రంగయ్య బయటకు వచ్చాడో ఆ తర్వాత కథ పూర్తిగా మారిపోతుంది. చివరి అరగంట, పతాక సన్నివేశాలు పరుగులు పెడతాయి. అవన్నీ ప్రేక్షకులను అలరిస్తాయి. ఓవరాల్గా ఓ మంచి స్పోర్ట్స్ డ్రామా చూశామన్న ఫీలింగ్ ప్రేక్షకుడిలో కలుగుతుంది. ఇటీవల వచ్చిన ‘తుఫాన్’తో పోలిస్తే, ‘సార్పట్ట’ ఇంకాస్త బెటర్ అనే ఫీలింగ్ కలుగుతుంది.
ఎవరెలా చేశారంటే: సాధారణ యువకుడిగా, బాక్సర్గా సమరన్ పాత్రలో ఆర్య అదరగొట్టాడు. సమరన్ పాత్ర కోసం ఆర్య పడిన కష్టమంతా తెరపై కనిపిస్తుంది. బాక్సర్గా ఆయన తీసుకున్న శిక్షణ, బాడీ లాంగ్వేజ్ మారిన తీరు మెప్పిస్తుంది. ఇక చెడు వ్యసనాలకు బానిసన అయిన వ్యక్తిగానూ తనదైన నటన కనబరిచాడు. సమరన్ భార్య పాత్రలో దుషారా విజయన్ చక్కటి హావభావాలు పలికించింది. ఆమె నటన సహజంగా ఉంది. ఇక తెరపై కనిపించిన ప్రతి బాక్సర్, నటుడు సినిమా కోసం చాలా కష్టపడ్డారు. సంచనా నటరాజన్, జాన్ కొక్కెన్, కలైరాసన్, సంతోష్ ప్రతాప్, జాన్ విజయ్, షబ్బీర్లు తమ పాత్రలో ఒదిగిపోయారు. ముఖ్యంగా ఆంగ్లో ఇండియన్గా జాన్ విజయ్ సంభాషణలు అలరిస్తాయి. డ్యాన్సింగ్ రోజ్గా షబ్బీర్ నటన నవ్వులు పంచుతుంది. ఇక కోచ్ రంగయ్య పాత్రలో పశుపతి నటన సెటిల్డ్గా ఉంది.
సాంకేతికంగా.. సినిమా మరో స్థాయిలో ఉందనే చెప్పాలి. సంతోష్ నారాయణ్ సంగీతం బాగుంది. పాటలు ఓకే. స్పోర్ట్స్ డ్రామాలో ప్రేక్షకుడిని లీనం చేయడంలో నేపథ్య సంగీతం పాత్ర ఎంతో ఉంది. ఆ విషయంలో సంతోష్ నారాయణ్ మెస్మరైజ్ చేశారు. బాక్సింగ్ రింగ్లో వచ్చే శబ్దాలు నేచురల్గా ఉన్నాయి. మురళి.జి సినిమాటోగ్రఫీ సూపర్. బాక్సింగ్ పోటీలను ఆయన చూపించిన విధానం, చాలా బాగుంది. ముఖ్యంగా మొదటి 20 నిమిషాలు కనిపించే సన్నివేశాలు అల్టిమేట్ అని చెప్పవచ్చు. ఇక అన్బరివ్ యాక్షన్ సీన్స్ను చక్కగా తీర్చిదిద్దారు. బాక్సింగ్ రింగ్లో పడే ప్రతి పంచ్ డీటెయిల్డ్గా రావడం కోసం చాలా కృషి చేశారు. 70వ దశకం నాటి పరిస్థితులకు అద్దం పట్టేలా ప్రతీ సన్నివేశాన్ని తీర్చిదిద్దడానికి ఆర్ట్ డైరెక్టర్ రామలింగం చాలా కష్టపడ్డారు. అందుకు మంచి మార్కులు పడతాయి. సెల్వ ఆర్.కె. ఎడిటింగ్ ఓకే. ద్వితీయార్ధంలో కొన్ని సన్నివేశాలకు కత్తెర వేసి ఉంటే బాగుండేది. దర్శకుడు పా.రంజిత్ గత చిత్రాలకు భిన్నంగా స్పోర్ట్స్ డ్రామాను ఎంచుకుని దానికి పీరియాడికల్ టచ్ ఇచ్చి ‘సార్పట్ట’ను తీర్చిదిద్దిన విధానం బాగుంది. ప్రతి పాత్రనూ చక్కగా రాసుకున్నారు. ప్రథమార్ధంలో ఉన్నంత జోష్ ద్వితీయార్ధంలో కూడా ఉండి ఉంటే సినిమా మరో స్థాయిలో ఉండేది. అదే విధంగా నిరాశకు గురయ్యే, కోచ్ రంగయ్య కొడుకు పాత్రను ఇంకాస్త డీటెల్గా చూపించి ఉంటే బాగుండేది. ఓవరాల్గా ఒక ఫీల్గుడ్ స్పోర్ట్స్ డ్రామాను పా.రంజిత్ ప్రేక్షకులకు అందించాడనే చెప్పాలి. నిర్మాణ విలువలు బాగున్నాయి. ప్రతి సన్నివేశంలోనూ రిచ్నెస్ కనిపిస్తుంది. ఆనాటి పరిస్థితులు అద్దం పట్టేలా కనపడేందుకు బాగానే ఖర్చు చేశారు.
బలాలు: + ప్రథమార్ధం + ఆర్య, ఇతర నటీనటులు + దర్శకత్వం + సాంకేతిక బృందం పనితీరు
బలహీనతలు: - ద్వితీయార్ధంలో ప్రారంభ సన్నివేశాలు - నిడివి
చివరిగా: ‘సార్పట్ట’.. మరో కొత్తలోకంలోకి తీసుకెళ్లే పీరియాడికల్ స్పోర్ట్స్ డ్రామా!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
రంగనాథస్వామి దేవస్థాన ప్రధాన అర్చకుడు హఠాన్మరణం
-
యూసఫ్గూడలో రోడ్డు ప్రమాదం.. యువతిపై బస్సు ఎక్కడంతో మృతి
-
ఈ నగరంలో అడుగుపెట్టాలంటే.. టికెట్ కొనాల్సిందే!
-
నేడే తెలంగాణ ఇంటర్ ఫలితాలు.. రిజల్ట్స్ ఈనాడు.నెట్లో..
-
జీవితంలో ముందుకెళ్లాలంటే ధైర్యం ఉండాలి : ఐపీఎస్ ఆఫీసర్ పోస్ట్ వైరల్
-
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్