Cinema News: ఆమె.. అతడు..

ప్రముఖ రచయిత యండమూరి వీరేంద్రనాథ్‌ దర్శకత్వంలో రూపొందిన చిత్రం ‘అతడు.. ఆమె.. ప్రియుడు’. సునీల్‌, కౌశల్‌, బెనర్జీ తదితరులు ప్రధాన పాత్రల్లో నటించారు. రవి కనగాల, రామ్‌ తుమ్మలపల్లి సంయుక్తంగా నిర్మించారు. ఈ సినిమా ఫిబ్రవరి 4న ప్రేక్షకుల ముందుకు రానుంది. ఈ నేపథ్యంలోనే ఇటీవల హైదరాబాద్‌లో ప్రీరిలీజ్‌ వేడుక నిర్వహించారు. ఈ కార్యక్రమంలో నిజామాబాద్‌ ఎమ్మెల్యే గణేష్‌ గుప్తా, దర్శకులు ఎ.కోదండరామిరెడ్డి, దశరథ్‌, రచయిత విజయేంద్రప్రసాద్‌, నిర్మాత సి.కల్యాణ్‌ ముఖ్య అతిథులుగా పాల్గొన్నారు. ఈ సందర్భంగా నిర్మాతలు మాట్లాడుతూ ‘‘రచయితగా ఎన్నో సంచలనాలు సృష్టించిన యండమూరి.. దర్శకుడిగానూ ఈ సినిమాతో సంచలనాలకు శ్రీకారం చుట్టాలని కోరుకుంటున్నాం. ఆయన ఈ చిత్రం కోసం ఎంతో శ్రమించారు. యండమూరితో మరిన్ని సినిమాలు తీసేందుకు సన్నాహాలు చేస్తున్నాం’’ అన్నారు. ఈ చిత్రానికి కూర్పు, కెమెరా: మీర్‌. నిర్మాణ సారధ్యం: అమర్‌.