Brahmastra: ‘బ్రహ్మాస్త్ర 2’ విడుదల తేదీ చెప్పేసిన దర్శకుడు...!

బాలీవుడ్‌ యువజంట రణ్‌బీర్‌ కపూర్‌, అలియాభట్‌ నటించిన పాన్‌ఇండియా చిత్రం ‘బ్రహ్మాస్త్ర’. ఇది తెలుగులో బ్రహ్మాస్త్రంగా ప్రేక్షకులను అలరించి భారీ విజయాలు సాధించిన సినిమాల జాబితాలో నిలిచింది.

Published : 30 Sep 2022 01:10 IST

హైదరాబాద్‌: బాలీవుడ్‌ యువజంట రణ్‌బీర్‌ కపూర్‌, అలియాభట్‌ నటించిన పాన్‌ఇండియా చిత్రం ‘బ్రహ్మాస్త్ర’. ఇది తెలుగులో బ్రహ్మాస్త్రంగా ప్రేక్షకులను అలరించి భారీ విజయాలు సాధించిన సినిమాల జాబితాలో నిలిచింది. ఇందులో నాగార్జున, అమితాబ్‌ బచ్చన్‌, మౌనీరాయ్‌ ముఖ్యపాత్రలు పోషించారు. అయితే బ్రహ్మాస్త్రం పార్ట్‌2,3 ఉంటాయని దర్శకుడు అయాన్‌ ముఖర్జీ చెప్పినప్పటి నుంచి ఫ్యాన్స్ వాటి అప్‌డేట్స్‌ కోసం ఎదురుచూస్తున్నారు. తాజాగా అయాన్‌ ఓ ఈవెంట్‌లో మాట్లాడుతూ బ్రహ్మాస్త్ర సీక్వెల్స్ విడుదల గురించి చెప్పారు.

‘‘నిజం చెప్పాలంటే మేము విడుదల తేదీల లక్ష్యాన్ని నిర్ణయించుకున్నాం. పార్ట్‌1 విడుదల అయిన 3 సంవత్సరాలకు పార్ట్‌2 విడుదలచేయాలని. అలాగే పార్ట్‌2 విడుదల చేసిన తర్వాత సంవత్సరానికి పార్ట్‌3 రిలీజ్‌ చేయాలని అనుకున్నాం. అంటే 2025 దిపావళికి బ్రహ్మాస్త్ర రెండో భాగాన్ని, 2026 క్రిస్‌మస్‌కు మూడో భాగాన్ని ప్రేక్షకుల ముందుకు తీసుకొచ్చేందుకు ప్రయత్నిస్తాం. అయితే ఈ తేదీల్లో కచ్చితంగా విడుదల చేస్తాం అని చెప్పట్లేదు. పరిస్థితుల్ని బట్టి మారవచ్చు. మేము బ్రహ్మాస్త్రకు 6 విడుదల తేదీలు ప్రకటించామనుకుంటా’’ అని అయాన్‌ నవ్వుతూ చెప్పారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని