Badhaai Do: వినోదాల ‘బధాయి దో’

‘బధాయి హో’ విజయం తర్వాత ఆ ఫ్రాంచైజీలో వస్తున్న చిత్రం ‘బధాయి దో’. రాజ్‌కుమార్‌ రావ్‌, భూమి పెడ్నేకర్‌ జంటగా హర్షవర్థన్‌ కులకర్ణి తెరకెక్కించారు. మంగళవారం ఈ సినిమా ట్రైలర్‌తో పాటు విడుదల తేదీని ప్రకటించింది చిత్రబృందం. ఆద్యంతం నవ్వులు పంచుతూనే, ఓ సామాజిక అంశాన్ని చర్చించినట్టు ట్రైలర్‌ని బట్టి అర్థమవుతోంది. ఈ చిత్రంలో రాజ్‌కుమార్‌ పోలీస్‌ అధికారిగా, భూమి పీఈటీ టీచర్‌గా నటించారు. వీళ్ల జీవితాల మధ్య మరో అమ్మాయి వస్తుంది. ఆ తర్వాత ఏమైంది అనేది తెరపైనే చూడాలి. వచ్చే నెల 11న థియేటర్లలో ఈ చిత్రం విడుదల కానుంది.