Balakrishna: బాలకృష్ణ, అనిల్‌ రావిపూడి సినిమా అప్‌డేట్... షూటింగ్‌ మొదలయ్యేది అప్పుడేనా?

హైదరాబాద్‌: బాలకృష్ణ ప్రస్తుతం ‘అన్‌స్టాపబుల్‌ సీజన్‌2’ తో బిజీగా ఉన్నారు. ఈ సీజన్‌ తర్వాత వరుసగా సినిమా షూటింగ్‌లు ప్రారంభం కానున్నాయి. గోపిచంద్‌ మలినేని దర్శకత్వంలో బాలకృష్ణ నటిస్తున్న సినిమా (#NBK107) టర్కీ షెడ్యూల్‌ ఇప్పటికే పూర్తయింది. ‘అన్‌స్టాపబుల్‌ 2’ అయిపోయాక బాలకృష్ణ ఈ సినిమా షూటింగ్‌ మిగతా భాగాన్ని పూర్తి చేస్తారు. అటు అనిల్‌ రావిపూడితో బాలకృష్ణ ఒక మాస్‌ ఎంటర్‌టైనర్‌కు సంతకం చేసిన సంగతి తెలిసిందే. ఈ సినిమా స్క్రిప్ట్‌ వర్క్‌ పూర్తయింది. ఈ సినిమా షూటింగ్‌ నవంబర్‌లో మొదలయ్యే అవకాశం ఉన్నట్లు సమాచారం. ఇక ఈ చిత్రానికి సంబంధించి టీమ్‌ను కూడా సిద్ధం చేసుకున్నారు.  ఈ సినిమాకు నేపథ్య సంగీతం తమన్‌ అందిస్తున్నారట. బాలకృష్ణను ఇప్పటి వరకు చూడని లుక్‌లో చూపిస్తానని గతంలోనే అనిల్ రావిపూడి చెప్పిన సంగతి తెలిసిందే. షూటింగ్‌ ప్రారంభానికి ముందే బాలకృష్ణ లుక్‌కు సంబంధించిన పోస్టర్‌ విడుదల చేసే అవకాశం ఉంది. ఈ ప్రాజక్టును సాహూ గారాపాటి ప్రతిష్ఠాత్మకంగా నిర్మిస్తున్నారు. 2023 వేసవికి ఈ చిత్రాన్ని విడుదల చేసేందుకు మేకర్స్‌ ప్లాన్‌ చేస్తున్నారు.