Tollywood: బాలకృష్ణ-గోపీచంద్‌ మూవీ అలా మారబోతోందా?

హైదరాబాద్‌: బాలకృష్ణ(Balakrishna) కథానాయకుడిగా గోపిచంద్‌ మలినేని దర్శకత్వంలో ఓ చిత్రం తెరకెక్కుతున్న సంగతి తెలిసిందే. ‘ఎన్‌బీకే 107’గా సెట్స్‌పైకి వెళ్లిన ఈ సినిమాను ఓ పవర్‌ఫుల్‌ యాక్షన్‌ ఎంటర్‌టైనర్‌గా గోపిచంద్‌ రూపొందిస్తున్నారు. బాలకృష్ణ సరసన శ్రుతిహాసన్‌ కథానాయికగా ఎంపికైన సంగతి తెలిసిందే. కన్నడ నటుడు దునియా విజయ్‌, వరలక్ష్మి శరత్‌కుమార్‌లు కీలక పాత్రలు పోషించనున్నట్లు చిత్ర బృందం ఇటీవల అధికారికంగా ప్రకటించింది.

ఈ నేపథ్యంలో ఓ ఆసక్తికర వార్త టాలీవుడ్‌లో చక్కర్లు కొడుతోంది. ఈ సినిమాను పాన్‌ ఇండియా మూవీగా విడుదల చేయాలన్న ఆలోచనతో ఉందట చిత్ర బృందం. అందుకే ఇతర భాషల్లో పేరున్న నటులను ఈ సినిమా కోసం ఎంపిక చేస్తున్నారట. ఇందులో భాగంగానే దునియా విజయ్‌, వరలక్ష్మీ శరత్‌కుమార్‌లు ప్రాజెక్టులోకి వచ్చారని తెలుస్తోంది. నిజ జీవిత సంఘటన ఆధారంగా గోపిచంద్‌ ఈ సినిమా కథను తీర్చిదిద్దారు. పాన్‌ ఇండియా ప్రాజెక్టుపై చిత్ర బృందం అధికారికంగా స్పందించాల్సి ఉంది.