Balakrishna: ఆగస్టులో ముహూర్తం

బాలకృష్ణ కొత్త సినిమాతో బిజీ బిజీగా  గడుపుతున్నారు. గోపీచంద్‌ మలినేని  దర్శకత్వంలో తెరకెక్కుతున్న ఆ సినిమా చిత్రీకరణ శరవేగంగా  సాగుతోంది. మరోపక్క బాలయ్య కొత్త సినిమా కోసం సన్నాహాలు షురూ అయ్యాయి. అనిల్‌ రావిపూడి దర్శకత్వంలో తెరకెక్కనున్న ఆ సినిమాని ఆగస్టులో పట్టాలెక్కించనున్నారు. బాలకృష్ణ - అనిల్‌ రావిపూడి శైలికి  తగ్గట్టుగా మాస్‌ అంశాలతో కూడిన స్క్రిప్ట్‌ని సిద్ధం చేసినట్టు సమాచారం. బాలకృష్ణ - గోపీచంద్‌   మలినేని సినిమాకి సంబంధించి మరో కొత్త కబురు వినిపిస్తోంది. బాలకృష్ణ పుట్టినరోజును పురస్కరించుకుని జూన్‌ 10న టీజర్‌ని విడుదల చేయనున్నట్టు తెలిసింది.