Veera Simha Reddy: తెలుగు రాష్ట్రాల్లో ఊరమాస్‌ సెలబ్రేషన్స్‌ షురూ

ఇంటర్నెట్‌డెస్క్‌: నందమూరి బాలకృష్ణ (Balakrishna) ప్రధాన పాత్రలో నటించిన ‘వీర సింహారెడ్డి’ (Veera Simha Reddy) విడుదలతో తెలుగు రాష్ట్రాల్లోని థియేటర్ల వద్ద సంక్రాంతి సెలబ్రేషన్స్‌ షురూ అయ్యాయి. తమ అభిమాన హీరో సినిమా చూసేందుకు చలిని  సైతం లెక్కచేయకుండా తెల్లవారుజాము నుంచే నందమూరి అభిమానులు థియేటర్ల వద్ద బారులు తీరారు. థియేటర్ల బయట భారీ కటౌట్లు ఏర్పాటు చేశారు. పాలాభిషేకాలు, టపాసులు కాల్చుతూ, తీన్‌మార్‌ డ్యాన్స్‌లు చేస్తూ హంగామా చేశారు. చిత్ర ప్రదర్శన మొదలయ్యాక కూడా ఇదే తరహా సందడి కనిపించింది. బాలయ్య ఎంట్రీ సీన్స్‌, జై బాలయ్య పాట, పంచ్‌ డైలాగ్‌లు వచ్చినప్పుడు.. కాగితాలు ఎగురవేస్తూ సంబరాలు చేసుకొన్నారు. ప్రస్తుతం ఈ వీడియోలు నెట్టింట వైరల్‌గా మారాయి. మరోవైపు బాలయ్య (Jai Balayya) సైతం అభిమానులతో కలిసి చిత్రాన్ని వీక్షించారు. కూకట్‌పల్లిలోని భ్రమరాంబ థియేటర్‌లో బాలయ్య, దర్శకుడు గోపీచంద్‌ మలినేని (Gopichand Malineni) సందడి చేశారు. అభిమానులతో కలిసి సినిమా చూసిన వీరిద్దరూ కాసేపు అక్కడి వారితో మాట్లాడారు.