Bawaal: ‘బవాల్‌’ ముగిసింది

వరుణ్‌ ధావన్‌ (varun Dhawan), జాన్వీ కపూర్‌ (Janhvi Kapoor) జంటగా నితేష్‌ తివారీ తెరకెక్కిస్తున్న చిత్రం ‘బవాల్‌’ (Bawaal). సాజిద్‌ నడియద్‌వాలా నిర్మిస్తున్నారు. ఈ సినిమా షూటింగ్‌ పూర్తైనట్టు వరుణ్‌ధావన్‌ ఆదివారం సామాజిక మాధ్యమాల్లో ప్రకటించారు. చివరి షెడ్యూల్‌ యూరోప్‌లోని పలు దేశాల్లో చిత్రీకరించారు. ఈ షూటింగ్‌కి సంబంధించిన అప్‌డేట్స్‌ని వరుణ్‌ ఎప్పటికప్పుడు తెలియజేస్తూనే ఉన్నారు. ‘‘బవాల్‌’ చివరి రోజు షూటింగ్‌ పూర్తైంది. ఇదొక మర్చిపోలేని అనుభూతి’ అంటూ బీచ్‌లో నిల్చున్న తన ఫొటోని ఇన్‌స్టాగ్రామ్‌ ఖాతాలో పంచుకున్నారు. లవ్‌, డ్రామా కథాంశంతో రూపొందించిన ఈ చిత్రం వచ్చే ఏడాది ఏప్రిల్‌ 7న ప్రేక్షకుల ముందుకు రానుంది.