‘బెల్‌బాటమ్‌’ వాయిదా పడుతుందా?

కరోనా తగ్గుముఖం పట్టింది... చిత్రీకరణలు మొదలయ్యాయి...కొన్ని సినిమాలు అయితే రాత్రి పగలు కష్టపడి చిత్రీకరణను పూర్తి చేసేశాయి. ఇక విడుదల చేయడమే ఆలస్యం.....

Published : 12 Jul 2021 09:47 IST

ముంబయి: కరోనా తగ్గుముఖం పట్టింది... చిత్రీకరణలు మొదలయ్యాయి...కొన్ని సినిమాలు అయితే రాత్రి పగలు కష్టపడి చిత్రీకరణను పూర్తి చేసేశాయి. ఇక విడుదల చేయడమే ఆలస్యం. కానీ చిక్కంతా ఇక్కడే వస్తుంది. దేశంలో చాలా చోట్ల థియేటర్లు తెరుచుకోలేదు. ఈ నెల చివరి వారం నుంచి థియేటర్లు పూర్తిస్థాయిలో మొదలవుతాయనే అందరూ అనుకున్నారు. కానీ ఆ పరిస్థితిలో అంత వేగం కనిపించడం లేదు. ఎందుకంటే థర్డ్‌ వేవ్‌కు సంబంధించి రోజుకో అంచనా బయటకొస్తుంది. ఈ నేపథ్యంలో థియేటర్లు డైలామాలో పడ్డాయి. ఈ నెల ఆగి తెరిస్తే ఎలా ఉంటుంది అనే ఆలోచనలు పంపిణీదారులు, ప్రదర్శనకారుల్లో మొదలయ్యాయి. ఈ నేపథ్యంలోనే అక్షయ్‌కుమార్‌ నటించిన ‘బెల్‌బాటమ్‌’ విడుదల వాయిదా పడే అవకాశాలు కనిపిస్తున్నాయి. ఈ చిత్రాన్ని ఈ నెల 27న థియేటర్లలో విడుదల చేస్తున్నట్టు ఇప్పటికే ప్రకటించిన విషయం తెలిసిందే. ‘‘ఈ నెల 27నాటికి దేశవ్యాప్తంగా పూర్తిస్థాయిలో థియేటర్లు తెరిచే పరిస్థితులు కనిపించడం లేదు. అందుకే ‘బెల్‌బాటమ్‌’ ఆగస్టు 13కి వాయిదా పడే అవకాశాలు ఉన్నాయి’’అని ఓ ప్రముఖ పంపిణీదారుడు చెప్పినట్టు సమాచారం. అదే జరిగితే చాలా సినిమాల విడుదల తేదీలు మారే అవకాశం ఉంది. కానీ చిత్రబృందం ఇంకా ఎలాంటి నిర్ణయం తీసుకోలేదని తెలుస్తోంది. రంజిత్‌ తివారీ తెరకెక్కించిన ఈ చిత్రంలో వాణీ కపూర్‌ నాయిక. లారా దత్తా, హ్యుమా ఖురేషి కీలక పాత్రల్లో నటించారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని