SwathiMuthyam Review: రివ్యూ: స్వాతిముత్యం
బెల్లంకొండ గణేశ్, వర్ష బొల్లమ్మ నటించిన సరికొత్త చిత్రం ‘స్వాతిముత్యం’ ఎలా ఉందంటే..?
SwathiMuthyam Review చిత్రం: స్వాతిముత్యం; నటీనటులు: గణేష్, వర్ష బొల్లమ్మ, నరేష్, రావు రమేష్, సుబ్బరాజు, వెన్నెల కిషోర్, సప్తగిరి, హర్షవర్ధన్, పమ్మి సాయి, గోపరాజు రమణ, శివ నారాయణ, ప్రగతి, సురేఖావాణి, సునయన, దివ్య శ్రీపాద, తదితరులు; సంగీతం: మహతి స్వర సాగర్; చాయాగ్రహణం: సూర్య; కూర్పు: నవీన్ నూలి; కళ: అవినాష్ కొల్ల; సమర్పణ: పి.డి.వి. ప్రసాద్; నిర్మాత: సూర్యదేవర నాగవంశీ; రచన, దర్శకత్వం: లక్ష్మణ్ కె.కృష్ణ; సంస్థ: సితార ఎంటర్టైన్మెంట్స్; విడుదల తేదీ: 05-10-2022
పండగ సీజన్ అంటే పెద్ద సినిమాలకి తోడుగా ఓ చిన్న సినిమా సందడి కూడా చేస్తుంటుంది. ఈ దసరాకి కూడా ‘గాడ్ఫాదర్’, ‘ది ఘోస్ట్’ సినిమాలకి తోడుగా ఓ చిన్న సినిమా ‘స్వాతిముత్యం’ ప్రేక్షకుల ముందుకొచ్చింది. ప్రముఖ నిర్మాణ సంస్థ సితార ఎంటర్టైన్మెంట్స్ నుంచి వస్తోన్న ఆ సినిమాతో నిర్మాత బెల్లంకొండ సురేశ్ తనయుడు బెల్లంకొండ గణేశ్ కథానాయకుడిగా పరిచయం అయ్యాడు. ప్రచార చిత్రాలు ఆకట్టుకోవడంతో ప్రేక్షకుల్లో సినిమా చూడాలనే ఉత్సుకత పెరిగింది. మరి ఈ చిత్రం అందుకు తగ్గట్టే ఉందో లేదో తెలుసుకునే ముందు కథేమిటో చూద్దాం..
కథేంటంటే: బాలమురళీకృష్ణ అలియాస్ బాల (బెల్లంకొండ గణేశ్) విద్యుత్శాఖలో ఉద్యోగి. నిజాయతీకి తోడుగా, కొంచెం అమాయకత్వం ఉన్న కుర్రాడు. పెళ్లి ప్రయత్నాల్లో ఉంటాడు. తల్లిదండ్రుల చాదస్తం కారణంగా పెళ్లి సంబంధం కుదరక ఇబ్బంది పడుతుంటాడు. స్కూల్ టీచర్ అయిన భాగ్యలక్ష్మి (వర్ష బొల్లమ్మ)ని పెళ్లి చూపుల్లో చూడగానే ప్రేమలో పడతాడు. రకరకాల సమస్యలను దాటుకొని వారి ప్రేమ.. పెళ్లీ పీటల వరకు వస్తుంది. మరికొన్ని గంటల్లో పెళ్లి అనగా శైలజ (దివ్య శ్రీపాద) అనే యువతి ఓ తొమ్మిది నెలల బిడ్డను తీసుకొచ్చి నీ బాబే అంటూ బాల చేతిలో పెడుతుంది. బాల కూడా తన బిడ్డే అని ఒప్పుకుంటాడు. అనూహ్యమైన ఆ పరిణామంతో పెళ్లింట్లో కలకలం మొదలవుతుంది. ఇంతకీ ఆ శైలజ ఎవరు?ఆ చిన్నారి నిజంగా బాలాకు పుట్టిన బిడ్డేనా? స్వాతిముత్యంలాంటి బాలా పెళ్లికి ముందే బిడ్డని ఎలా కన్నాడు? బాల, భాగ్యలక్ష్మి పెళ్లి జరిగిందా? లేదా? అనేది మిగతా కథ.
ఎలా ఉందంటే: అమాయకుడైన ఓ యువకుడి పెళ్లి కష్టాల చుట్టూ సాగే హాస్యభరితమైన కుటుంబ కథ ఇది. సున్నితమైన సరోగసీ అంశాన్ని స్పృశిస్తూ, ఆరంభం నుంచి చివరి వరకు నవ్వించడమే లక్ష్యంగా కథ కథనాల్ని అల్లుకున్నారు దర్శకుడు. ఇది తెలిసిన కథే. చాలా సినిమాల్లో చూశాం. దాన్నే కొత్తగా చెప్పే ప్రయత్నం చేశారు. అనుభవం ఉన్న తారాగణం తోడుగా తొలి సినిమాతోనే దర్శకుడు, కథానాయకుడు ప్రేక్షకులు, పరిశ్రమ దృష్టిని ఆకర్షించారు. జీవితంలో తొందరగానే ఉద్యోగం సంపాదించిన బాలమురళీకృష్ణ పెళ్లి కోసం చేసే ప్రయత్నాలతో కథ మొదలవుతుంది. తల్లిదండ్రుల చాదస్తం, హీరో అమాయకత్వం, అతని ఆఫీస్లో హంగామాతో ప్రథమార్థంలో సరదా సరదాగా సన్నివేశాలు సాగిపోతాయి. పాత్రల పరిచయం వల్ల తొలి అరగంట కాస్త నిదానంగానే సాగుతున్నట్టు అనిపించినా బాలా, భాగ్యలక్ష్మి ప్రేమ కథ షురూ అయ్యాక కథ వేగం అందుకుంటుంది. ఆ ఇద్దరి మధ్య సన్నివేశాలు కొత్తగా ఉంటాయి. ఇక పెళ్లే అనుకుంటుండగా కథలో చోటు చేసుకున్న మలుపు సినిమాని మరింత ఆసక్తికరంగా మార్చేస్తుంది. ద్వితీయార్థం సన్నివేశాల్లో మరింత వేగం కనిపిస్తుంది. చెప్పడానికి కథేమీ లేకపోయినా, కథానాయకుడు పడే పాట్లు, అతన్ని కుటుంబ సభ్యులు చూసే తీరు మరిన్ని నవ్వులు పంచుతుంది. సీనియర్ నటీనటుల బలం ఈ సినిమాపై బలమైన ప్రభావం చూపిస్తుంది. ద్వితీయార్థంలో భావోద్వేగాలు కూడా పండాయి. పతాక సన్నివేశాలు ఆకట్టుకుంటాయి. సాధారణమైన కథకి చక్కటి హాస్యం మేళవించి ప్రేక్షకుల్ని మెప్పించే ప్రయత్నం చేశాడు దర్శకుడు. సరోగసీ చుట్టూ సాగే ఈ సున్నితమైన అంశాన్ని ఇంటిల్లిపాదికీ నచ్చేలా తీర్చిదిద్దడం ఈ సినిమాకి బలం.
ఎవరెలా చేశారంటే: బెల్లంకొండ గణేశ్కి తొలి సినిమానే అయినా పాత్రకి తగ్గట్టుగా ఎక్కడా తడబాటు లేకుండా నటించాడు. పాత్రకి తగ్గట్టుగా ఆయన మొహంలో అమాయకత్వం బాగా పండింది. కొన్ని సన్నివేశాల్లో భావోద్వేగాల్ని కూడా పండించి పరిణతిని ప్రదర్శించారు. కథానాయిక వర్ష బొల్లమ్మ అభినయం ఆకట్టుకుంటుంది. ముఖ్యంగా ద్వితీయార్థంలో చాలా సన్నివేశాలు ఆమె చుట్టూనే నడుస్తాయి. పెద్ద మనిషిగా కనిపించే గోపరాజు రమణ పాత్ర సినిమాకు హైలెట్. ఆయన పాత్ర చుట్టూ అల్లిన హాస్యం బాగా పండింది. ఆ పాత్రతో అంతే బలంగా ప్రభావం చూపించారాయన. రావు రమేష్ మేనరిజమ్స్ ఆయన పంచిన హాస్యం ఈ సినిమాకి మరో ఆకర్షణ. నరేష్, వెన్నెల కిషోర్, సుబ్బరాజు, హర్షవర్ధన్, ప్రగతి, సురేఖవాణి తదితర సీనియర్ నటులు సినిమాని మరోస్థాయికి తీసుకెళ్లారు. ప్రతి పాత్రనీ పక్కాగా డిజైన్ చేశారు దర్శకుడు. సాంకేతికంగా సినిమాకి మంచి మార్కులే పడతాయి. పాటల కంటే కూడా నేపథ్య సంగీతంతో కట్టిపడేశారు మహతి స్వర సాగర్. గుర్తు పెట్టుకుని పాడుకునేలా ఒక్క పాట కూడా లేకపోవడం సినిమాకి మైనస్. సూర్య కెమెరా పనితనం, నవీన్ నూలి ఎడిటింగ్, అవినాష్ కళా ప్రతిభ సినిమాకి కీలకంగా మారింది. దర్శకుడు లక్ష్మణ్ కె.కృష్ణ చాలా స్పష్టతతో సినిమాని తీర్చిదిద్దారు. కథని నడిపిన విధానంలో పరిణతి కనిపిస్తుంది. నిర్మాణం బాగుంది. ఇలాంటి కథల వెనక సితార లాంటి పెద్ద నిర్మాణ సంస్థలు ఉంటే ఆ ప్రభావం వేరుగా ఉంటుంది.
బలాలు
+ హాస్యభరితమైన కథ, మలుపు
+ నటీనటులు
+ ద్వితీయార్ధం
బలహీనతలు
- ప్రథమార్ధంలో కొన్ని సన్నివేశాలు
చివరిగా: నవ్వులు పంచే.. ‘స్వాతిముత్యం’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..?
తాజా వార్తలు (Latest News)
-
ఫొటోకు పోజులిస్తూ... అగ్నిపర్వతంలో జారిపడిన పర్యటకురాలు
-
విమానాల్లో 12 ఏళ్లలోపు వారికి తల్లిదండ్రుల పక్కనే సీటివ్వాలి: డీజీసీఏ
-
జగన్పై రాయి దాడి కేసు.. నిందితుడి కస్టడీ పిటిషన్పై తీర్పు వాయిదా
-
కొంతమంది ముంబయి ఆటగాళ్లు రోహిత్ శర్మనే కెప్టెన్ అనుకుంటున్నారు: ఇర్ఫాన్ పఠాన్
-
మాధురి దీక్షిత్తో నటించాలంటే భయమేసింది: మనీషా కొయిరాలా
-
రోహిత్తో ఓపెనింగ్ చేసేది ఎవరు? మీ ఛాయిస్ ఎవరు?