Bhala Thandanana: ఉత్కంఠభరితమైన.. ‘భళా తందనాన’
శ్రీవిష్ణు, కేథరీన్ జంటగా చైతన్య దంతులూరి తెరకెక్కించిన చిత్రం ‘భళా తందనాన’. సాయి కొర్రపాటి నిర్మించారు. ఈ సినిమా ఈనెల 6న విడుదల కానుంది. ఈ నేపథ్యంలోనే మంగళవారం హైదరాబాద్లో విడుదల ముందస్తు వేడుక
శ్రీవిష్ణు, కేథరీన్ జంటగా చైతన్య దంతులూరి తెరకెక్కించిన చిత్రం ‘భళా తందనాన’. సాయి కొర్రపాటి నిర్మించారు. ఈ సినిమా ఈనెల 6న విడుదల కానుంది. ఈ నేపథ్యంలోనే మంగళవారం హైదరాబాద్లో విడుదల ముందస్తు వేడుక నిర్వహించారు. దర్శకుడు రాజమౌళి, శేఖర్ కమ్ముల ముఖ్య అతిథులుగా హాజరయ్యారు. సంయుక్తంగా బిగ్ టికెట్ ఆవిష్కరించారు. ఈ సందర్భంగా రాజమౌళి మాట్లాడుతూ.. ‘‘తను చిన్న సినిమా చేసినా సరే.. పెద్ద చిత్రం చేస్తున్నాను అన్న ఫీల్ కనిపించేలా చేస్తారు చైతన్య. ‘బాణం’లో ఆ యాటిట్యూడ్ చూశాను. ఇప్పుడు ‘భళా తందనాన’లోనూ ఆ ఫీల్ కనిపిస్తోంది. దీన్నెక్కడా ఆయన ఓ చిన్న చిత్రంలా డీల్ చేయలేదు. ప్రతి మూమెంట్లోనూ నెక్స్ట్ ఏం జరుగుతుంది? అన్న ఉత్కంఠ రేకెత్తించేలా చేశారు. శ్రీవిష్ణు పక్కింటి కుర్రాడిలా కనిపిస్తాడు. కానీ, చేప నీళ్లలోకి ఎంత ఈజీగా వెళ్లిపోతుందో.. తనంత ఈజీగా మాస్ పాత్రలోకి దూరిపోతాడు. తనకు మంచి భవిష్యత్తు ఉంది. కేథరీన్కు మంచి పాత్ర రాశారు. కచ్చితంగా ఈ సినిమా పెద్ద విజయం సాధిస్తుంది’’ అన్నారు. ‘‘చైతన్య ‘బాణం’ నాకు చాలా ఇష్టమైన చిత్రం. తన నుంచి అలాంటి మంచి సినిమాలు చాలా రావాలి. ట్రైలర్ బాగుంది’’ అన్నారు శేఖర్ కమ్ముల. హీరో శ్రీవిష్ణు మాట్లాడుతూ.. ‘‘తెలుగు సినిమా ఇంత అద్భుతంగా ఉంటుందని ప్రపంచానికి తెలియజేసింది రాజమౌళినే. అందుకే ఆయనకు ప్రత్యేక కృతజ్ఞతలు. నాలాంటి కొత్త వాళ్లని ప్రోత్సహిస్తుంటారు శేఖర్ కమ్ముల. మీకు థ్యాంక్స్ సర్. సినిమాలో ప్రతి ఒక్కరిదీ విభిన్నమైన పాత్రే. ఇంతకు ముందు చేయని విభిన్నమైన పాత్రలు మేమిందులో పోషించాం. చాలా మంచి సినిమా ఇచ్చామని గట్టిగా నమ్ముతున్నామ’’న్నారు. ‘‘ఈ సినిమాకి విత్తనం శ్రీకాంత్ విస్సా. ఆయన వల్లే ఈ చిత్రం కార్యరూపం దాల్చింది. శ్రీవిష్ణు అందరినీ సర్ప్రైజ్ చేస్తాడు. ప్రేక్షకులకు సినిమా చూపించేందుకు ఆసక్తిగా ఎదురు చూస్తున్నాం’’ అన్నారు దర్శకుడు చైతన్య. కేథరీన్ మాట్లాడుతూ.. ‘‘ఇందులో నా శశిరేఖ పాత్రను దర్శకుడు చైతన్య ఎంతో చక్కగా తీర్చిదిద్దారు. ఇది నా కెరీర్లో ప్రత్యేకంగా గుర్తుండిపోతుంది’’ అన్నారు. ఈ కార్యక్రమంలో రమా రాజమౌళి, రవివర్మ, రామచంద్రరాజు, సురేష్, శ్రీకాంత్ విస్సా తదితరులు పాల్గొన్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..