Bhala Thandhanana: ‘భళా తందనాన’ ఓటీటీలోకి ఎప్పుడంటే..!

ఇంటర్నెట్‌ డెస్క్‌: చైతన్య దంతులూరి దర్శకత్వంలో శ్రీవిష్ణు నటించిన చిత్రం ‘భళా తందనాన’. ఈ సినిమాలో కేథరిన్‌తో జోడి కట్టాడు శ్రీవిష్ణు. అవినీతి నేపథ్యంలో తెరకెక్కిన ఈ సినిమా మే6న ప్రేక్షకుల ముందుకు వచ్చింది. విభిన్న కథాంశం అయినప్పటికీ ఆశించిన స్థాయిలో ప్రేక్షకులను అలరించలేకపోయింది. ఒక జర్నలిస్ట్‌తో కలిసి సామాన్య వ్యక్తి చేసిన పోరాటంగా వచ్చిన ఈ సినిమా ఓటీటీ రిలీజ్‌కు సిద్ధమైంది. డిస్నీ ప్లస్‌ హాట్‌స్టార్‌ వేదికగా మే 20 నుంచి ఈ చిత్రం డిజిటల్‌ ఫ్లాట్‌ఫామ్‌లో అలరించనుంది. ఈ మేరకు చిత్రబృందం ట్విట్‌ చేసి పోస్టర్‌ను విడుదల చేసింది. వారాహి చలన చిత్రం పతాకంపై రజనీ కొర్రపాటి నిర్మించిన ఈ సినిమాకు సాయి కొర్రపాటి సమర్పకులు. రామచంద్రరాజు, శ్రీనివాస్‌రెడ్డి, సత్య నటించిన ఈ చిత్రానికి స్వరబ్రహ్మ మణిశర్మ సంగీతం అందించారు.