Bhala Thandhanana: ‘భళా తందనాన’ ఓటీటీ ట్రైలర్‌ చూశారా..!

ఇంటర్నెట్‌ డెస్క్‌: శ్రీవిష్ణు నటించిన తాజా చిత్రం ‘భళా తందనాన’. ఈ సినిమాకు చైతన్య దంతులూరి దర్శకత్వం వహించారు. ఈ సినిమాలో శ్రీ విష్ణు సరసన కేథరిన్‌ నటించింది. అవినీతి నేపథ్యంలో తెరకెక్కిన ఈ చిత్రం మే6న ప్రేక్షకుల ముందుకు వచ్చినా ఆశించిన స్థాయి విజయాన్ని అందుకోలేకపోయింది. జర్నలిస్టుతో కలిసి సామాన్య వ్యక్తి ప్రజల కోసం చేసిన పోరాటంగా తెరకెక్కిన ఈ సినిమా మే20న ఓటీటీలో విడుదల కానుంది. డిస్నీ ప్లస్‌ హాట్‌స్టార్‌ వేదికగా డిజిటల్‌ ప్రేక్షకులను అలరించనుంది. దీనికి సంబంధించిన ఓటీటీ ట్రైలర్‌ను ఈ రోజు విడుదల చేశారు. వారాహి చలన చిత్ర పతాకంపై రజనీ కొర్రపాటి నిర్మించిన ఈ సినిమాకు సాయి కొర్రపాటి సమర్పకులు. మణిశర్మ సంగీతం అందించిన ఈ చిత్రంలో రామచంద్రరాజు, శ్రీనివాస్‌ రెడ్డి, సత్య నటించారు.