Acharya: చిరు- చరణ్‌ ‘సిరుత పులుల సిందాట’.. చూస్తే వావ్‌ అనాల్సిందే!

ఇంటర్నెట్‌ డెస్క్‌: చిరంజీవి- రామ్‌చరణ్‌ ఒకే ఫ్రేమ్‌లో నిలబడితేనే అభిమానులకు పండగలా ఉంటుంది. అలాంటిది వీరిద్దరు కలిసి డ్యాన్స్‌ చేస్తే? ఆ మజా ఏ రేంజ్‌లో ఉంటుందో తాజాగా విడుదలైన ‘భలే భలే బంజారా.. సిరుత పులుల సిందాట’ గీతం చూపించింది. ఇందులో శేఖర్‌ మాస్టర్‌ తీర్చిదిద్దిన కూల్‌ స్టెప్పులు, కామ్రేడ్‌ లుక్కులు వావ్‌ అనిపించేలా ఉన్నాయి. మణిశర్మ సంగీతం, రామజోగయ్య శాస్త్రి సాహిత్యం, శంకర్‌ మహదేవన్‌, రాహుల్‌ సిప్లిగంజ్‌ గానం శ్రోతల్ని విశేషంగా అలరించేలా ఉన్నాయి.

కొరటాల శివ తెరకెక్కించిన ‘ఆచార్య’ చిత్రంలోని పాట ఇది. ఏప్రిల్‌ 29న సినిమాను విడుదల చేస్తున్న సందర్భంగా సోమవారం ఈ గీతాన్ని చిత్ర బృందం పంచుకుంది. ధర్మస్థలి అనే దేవాలయ నగరి, నక్సలిజం నేపథ్యంలో రూపొందిన ఈ చిత్రంలో చిరంజీవి సరసన కాజల్‌ అగర్వాల్‌, రామ్‌చరణ్‌కు జోడీగా పూజాహెగ్డే నటించారు. ఈ సినిమాని నిరంజన్‌ రెడ్డి, అన్వేష్‌రెడ్డి సంయుక్తంగా నిర్మించారు.