Bheemla Nayak: ఒక రోజు ముందుగానే ‘భీమ్లానాయక్‌’ సందడి

ఇంటర్నెట్‌ డెస్క్‌: పవన్‌ కల్యాణ్‌, రానా కలిసి నటించిన ‘భీమ్లానాయక్‌’ చిత్రం ఒక రోజు ముందుగానే ఓటీటీల్లో సందడి చేయనుంది. ఈ చిత్రాన్ని మార్చి 25న తమ ఓటీటీలో విడుదల చేస్తున్నట్టు ‘డిస్నీ + హాట్‌స్టార్‌’, ‘ఆహా’ సంస్థలు ప్రకటించిన సంగతి తెలిసిందే. తాజాగా ఈ తేదీని మారుస్తూ సినీ అభిమానులకు సర్‌ప్రైజ్‌ ఇచ్చాయి. ‘భీమ్లానాయక్‌ మార్చి 24న రిపోర్ట్‌ చేస్తాడు’ అని ట్వీట్‌ చేశాయి. మలయాళంలో ఘన విజయం అందుకున్న ‘అయ్యప్పనుమ్‌ కోశియుమ్‌’కు రీమేక్‌గా ఈ చిత్రం రూపొందింది. సాగర్‌ కె. చంద్ర దర్శకత్వం వహించిన ఈ సినిమాకు దర్శకుడు త్రివిక్రమ్‌ సంభాషణలు, స్క్రీన్‌ప్లే అందించారు. నిత్య మేనన్‌, సంయుక్త మేనన్‌ కథానాయికలుగా నటించారు.