Updated : 22 Dec 2021 05:53 IST

Pawan kalyan: ‘భీమ్లానాయక్‌’ వాయిదా

‘ఆర్‌ఆర్‌ఆర్‌’, ‘రాధేశ్యామ్‌’ కోసమే  
ప్రొడ్యూసర్స్‌ గిల్డ్‌

సంక్రాంతికి రావల్సిన ‘భీమ్లానాయక్‌’ వాయిదా పడింది. పాన్‌ ఇండియా చిత్రాలైన ‘ఆర్‌ఆర్‌ఆర్‌’, ‘రాధేశ్యామ్‌’ల విడుదలని దృష్టిలో ఉంచుకుని ప్రొడ్యూసర్స్‌ గిల్డ్‌ అభ్యర్థన మేరకు నిర్మాతలు ఈ నిర్ణయం తీసుకున్నారు. జనవరి 12న రావల్సిన ‘భీమ్లానాయక్‌’ ఫిబ్రవరి 25న, ఆ రోజున విడుదల చేయాలనుకున్న ‘ఎఫ్‌3’ని ఏప్రిల్‌ 29న ప్రేక్షకుల ముందుకు తీసుకు రావాలని నిర్ణయించారు. ఈ సందర్భంగా మంగళవారం యాక్టివ్‌ ప్రొడ్యూసర్స్‌ గిల్డ్‌ ఆధ్వర్యంలో హైదరాబాద్‌లో విలేకర్ల సమావేశం ఏర్పాటు నిర్వహించారు. ఆయా కొత్త విడుదల తేదీల్ని ప్రకటించారు. ప్రొడ్యూసర్స్‌ గిల్డ్‌ తరఫున ప్రముఖ నిర్మాత దిల్‌రాజు మాట్లాడుతూ ‘‘నిర్మాణంలో ఉన్న సినిమాలకీ, విడుదల తేదీల విషయంలోనూ ఎదురయ్యే సమస్యల్ని ఎప్పటికప్పుడు గిల్డ్‌ తరఫున చర్చించుకుంటూ పరిష్కారం కనుక్కుంటున్నాం. 90శాతం ఫలితాలు వస్తున్నాయి. సంక్రాంతి సినిమాల విషయంలోనూ ఇటీవల ఓ నిర్ణయం తీసుకున్నాం.‘ఆర్‌ఆర్‌ఆర్‌’, ‘రాధేశ్యామ్‌’, ‘భీమ్లానాయక్‌’ పండగ సందర్భంగా విడుదల తేదీల్ని ఖరారు చేసుకున్నాయి. అయితే పాన్‌ ఇండియా స్థాయిలో విడుదలవుతున్న ‘ఆర్‌ఆర్‌ఆర్‌,’ ‘రాధేశ్యామ్‌’లకి ఇబ్బంది కలగకూడదని పండగకి మూడు సినిమాలూ విడుదలైతే థియేటర్ల సమస్య తలెత్తుతుందని భావించి ‘భీమ్లానాయక్‌’ నిర్మాతల్ని, కథానాయకుడు పవన్‌కల్యాణ్‌నీ కలిసి సమస్య వివరించాం. వాళ్లు సానుకూలంగా స్పందించారు. దాంతో ‘భీమ్లానాయక్‌’ని ఫిబ్రవరి 25న, ఆ రోజున మేం విడుదల చేయాల్సిన ‘ఎఫ్‌3’ని ఏప్రిల్‌ 29న ప్రేక్షకుల ముందుకు తీసుకు రావాలని నిర్ణయించాం. నిర్మాతలు, గిల్డ్‌ అభ్యర్థనని అంగీకరించిన ‘భీమ్లా నాయక్‌’ బృందానికి ధన్యవాదాలు చెబుతున్నాం. హీరోల అభిమానులు కూడా అర్థం చేసుకుని సహకరించాల’’ని కోరారు. ఈ కార్యక్రమంలో నిర్మాతలు దామోదర్‌ ప్రసాద్‌, డి.వి.వి.దానయ్య,  స్రవంతి రవికిశోర్‌, వంశీ, రాజీవ్‌రెడ్డి తదితరులు పాల్గొన్నారు.


రాజమౌళి స్పందన

సినిమాల విడుదల తేదీల్ని వాయిదా వేసిన నిర్మాతలు, కథానాయకుల్ని ప్రముఖ దర్శకుడు ఎస్‌.ఎస్‌.రాజమౌళి ప్రశంసించారు. ట్విటర్‌ ద్వారా ఆయన స్పందిస్తూ ‘‘భీమ్లానాయక్‌’ సినిమాని వాయిదా వేయాలని నిర్మాత చినబాబు, కథానాయకుడు పవన్‌కల్యాణ్‌ తీసుకున్న నిర్ణయం అభినందనీయం. ‘ఎఫ్‌3’ విడుదలనీ వాయిదా వేసిన నిర్మాత దిల్‌రాజుకి కృతజ్ఞతలు. సంక్రాంతికి సరైన సినిమా అయినప్పటికీ ‘సర్కారు వారి పాట’ చిత్రాన్ని వేసవికి వాయిదా వేసి పరిశ్రమలో ఆరోగ్యకరమైన వాతావరణాన్ని సృష్టించారు నా హీరో మహేష్‌బాబు. ఆయా సినిమాలు మంచి విజయాల్ని అందుకోవాల’’ని వ్యాఖ్య చేశారు. ‘రాధేశ్యామ్‌’ తరఫున యువీ క్రియేషన్స్‌ కూడా ‘భీమ్లానాయక్‌’, ‘ఎఫ్‌3’ బృందాలకి కృతజ్ఞతలు తెలియజేసింది.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని