Shiva Kandukuri: హీటర్‌తో సిగరెట్‌ వెలిగించిన హీరో.. ‘భూతద్దం భాస్కర్‌ నారాయణ’ కథేంటో?

పాత్ర డిమాండ్‌ మేరకు తమ చిత్రాల్లో కొందరు హీరోలు స్టైలిష్‌గా సిగరెట్‌ వెలిగిస్తుంటారు. ఈ విషయంలో రజనీకాంత్‌ నుంచి యశ్‌ వరకు ప్రేక్షకుల్ని ఆకట్టుకున్నారు. ఇప్పుడు.. హీటర్‌తో సిగరెట్‌ వెలిగించి, ఆసక్తి పెంచుతున్నారు శివ కందుకూరి.

Published : 02 Aug 2022 17:43 IST

ఇంటర్నెట్‌ డెస్క్‌: పాత్ర డిమాండ్‌ మేరకు తమ చిత్రాల్లో కొందరు హీరోలు స్టైలిష్‌గా సిగరెట్‌ వెలిగిస్తుంటారు. ఈ విషయంలో రజనీకాంత్‌ నుంచి యశ్‌ వరకు ప్రేక్షకుల్ని ఆకట్టుకున్నారు. ఇప్పుడు.. హీటర్‌తో సిగరెట్‌ వెలిగించి, ఆసక్తి పెంచుతున్నారు శివ కందుకూరి (Shiva kandukuri). ‘చూసీ చూడంగానే’ సినిమాతో ఆకట్టుకున్న హీరోనే ఈ శివ. ప్రస్తుతం ఆయన నటిస్తున్న చిత్రం ‘భూతద్దం భాస్కర్‌ నారాయణ’ (Bhoothaddam Bhaskar Narayana). తాజాగా ఈ చిత్ర ఫస్ట్‌ గ్లింప్స్‌ విడుదలైంది. శేషపాన్పుపై పవళించిన విష్ణుమూర్తి వద్దకు నారదుడు, ఇంద్రుడు వచ్చి కలియుగంలో రాక్షసుల ఎక్కువయ్యారంటూ వివరించే సన్నివేశంతో ప్రారంభమైన వీడియో ఆద్యంతం ఆసక్తిగా సాగింది.

పోలీసు జీపులోంచి హీరో ఇచ్చిన ఎంట్రీ ఆకట్టుకునేలా ఉంది. కథానాయకుడు లుంగీ కట్టుకుని, కళ్ల జోడు ధరించి స్టైలిష్‌గా కనిపించాడు. తుపాకీతో సిగరెట్‌ వెలిగించే ప్రయత్నం విఫలమవడం, తర్వాత అగ్గిపుల్ల కోసం ప్రయత్నించగా పెట్టెలో ఒక్క పుల్లా లేకపోవడంతో అసహనానికి గురైన హీరో హీటర్‌తో వెలిగిస్తాడు. ‘‘ఇది మైథాలజీ నేపథ్యంలో సాగే ఓ డిటెక్టివ్‌ కథ. గ్రామీణ వాతావరణం చుట్టూ అల్లుకున్న కథ ఇది. ప్రస్తుతం పోస్ట్‌ ప్రొడక్షన్స్‌ పనులు శరవేగంగా జరుగుతున్నాయి. త్వరలోనే టీజర్‌, ట్రైలర్లు విడుదల చేస్తాం’’ అని చిత్ర బృందం తెలిపింది. టైటిల్‌ని బట్టి ఈ సినిమాలో హీరో ప్రతి విషయాన్ని భూతద్దంలో చూస్తాడేమో అనిపిస్తోంది. మరి, ఇతిహాసంతో ముడిపడి ఉన్న భాస్కర్‌ నారాయణ కథేంటో తెలియాలంటే సినిమా చూడాల్సిందే. పురుషోత్తం రాజ్‌ దర్శకత్వం వహిస్తున్న ఈ చిత్రంలో రాశీసింగ్‌ కథానాయిక.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts