కరోనా బారిన భూమి, విక్కీ

ముంబయి: బాలీవుడ్‌లో కరోనా రోజురోజుకూ విజృంభిస్తోంది. ఇప్పటికే ఆలియాభట్‌, రణ్‌బీర్‌కపూర్‌, అమీర్‌ఖాన్‌, పరేష్‌ రావల్‌, కార్తిక్‌ ఆర్యన్‌, మనోజ్‌ బాజ్‌పాయ్‌, అక్షయ్‌ కుమార్ తదితర తారలు కొవిడ్‌-19 బారిన పడ్డ విషయం తెలిసిందే.  తాజాగా యువ నటులు భూమి పెడ్నేకర్‌, విక్కీ కౌశల్‌ ఆ జాబితాలో చేరారు. తమకు కొవిడ్‌ పరీక్షల్లో పాజిటివ్‌ వచ్చినట్టు సామాజిక మాధ్యమాల వేదికగా తెలియజేశారు.

‘నాకు కొవిడ్‌-19 పాజిటివ్‌గా తేలింది. స్వీయ నిర్బంధంలో ఉన్నాను. వైద్యుల సూచనలు పాటిస్తున్నాను. ఈ మధ్యకాలంలో నన్ను కలిసినవారు కరోనా పరీక్షలు చేయించుకోవాలని కోరుతున్నాను. ప్రస్తుత పరిస్థితుల్ని తేలికగా తీసుకోవద్దు. తప్పనిసరిగా మాస్క్‌ ధరించండి. ఎప్పటికప్పుడు చేతులు శుభ్రం చేసుకోండి. భౌతిక దూరం పాటించండి’ అని భూమి సూచించారు. విక్కీ కౌశల్‌ సైతం ఇదే విషయాన్ని తెలియజేశారు.