బాలీవుడ్‌ ‘భాగమతి’ కోసం..

ముంబయి: కరోనా లాక్‌డౌన్‌ కారణంగా ఇంటికే పరిమితమైన బాలీవుడ్‌ నాయిక భూమి పెడ్నేకర్‌ తిరిగి సెట్లోకి అడుగుపెట్టడానికి సిద్ధమవుతోంది. తెలుగు చిత్రం ‘భాగమతి’కి రీమేక్‌గా తెరకెక్కుతోన్న ‘దుర్గావతి’లో ఆమె ప్రధాన పాత్ర పోషిస్తున్న విషయం తెలిసిందే. జి. అశోక్‌ దర్శకత్వం వహిస్తున్నారు.

ఈ ఏడాది జనవరిలో మొదలైన ఈ సినిమా చిత్రీకరణ మార్చిలో నిలిచిపోయింది. ఈ నెల చివర్లో చిత్రీకరణలు పాల్గొని సినిమాని పూర్తి చేయాలని ‘దుర్గావతి’ చిత్రబృందం సన్నాహాలు చేస్తోంది. ఇదే సమయంలో చిత్రీకరణతో పాటు డబ్బింగ్‌ కూడా పూర్తి చేయాలని భూమి ఆలోచిస్తుంది. ఈ చిత్రంలో జిస్సు సేన్‌గుప్తా, అర్షద్‌ వార్షి, మహిగిల్‌ తదితరులు కీలక పాత్రధారులు.