Bhuvana Vijayam: ఆసక్తిని పెంచుతున్న ‘భువన విజయమ్‌’ టీజర్‌

హైదరాబాద్‌: సునీల్‌ (Sunil), శ్రీనివాస్‌ రెడ్డి, వెన్నెల కిశోర్‌, ధనరాజ్‌ ప్రధాన పాత్రలలో నటించిన చిత్రం ‘భువన విజయమ్‌’ (Bhuvana Vijayam). ఈ సినిమాతో యలమంద చరణ్‌ దర్శకుడుగా పరిచయం కానున్నారు. టైటిల్‌తోనే అందరి దృష్టిని ఆకర్షించిన ఈ చిత్ర టీజర్‌ను డైరెక్టర్‌ మారుతి లాంచ్‌ చేశారు. కథలోని పాత్రలను పరిచయం చేస్తూ సాగిన ఈ టీజర్‌ నెటిజన్లను ఆకట్టుకుంటుంది. ‘ఒక కథానాయకుడు.. అతని కథేంటో అతనికే తెలీదు. ఒక ప్రొడ్యూసర్‌.. అతనికి జాతకాల పిచ్చి. ఒకరంటే ఒకరికి పడని ఎనిమిది మంది రచయితలు. అనుకోకుండా రైటర్‌గా మారిన ఓ దొంగ.. వీళ్ల మధ్యలో తిరుగుతున్న ఆత్మ..’ అనే వాయిస్‌ ఓవర్‌తో ఉన్న ఈ టీజర్‌లో నటీనటులు వారి టైమింగ్‌తో ఆకట్టుకున్నారు. ఈ చిత్రం ఏప్రిల్‌ 14న ప్రేక్షకుల ముందుకు రానుంది.