Published : 16 Aug 2022 11:36 IST

Bimbisara: ‘బింబిసార’ కోసం ఇంత కష్టపడ్డారా.. పోరాట దృశ్యాలు ఎలా షూట్‌ చేశారంటే!

ఇంటర్నెట్‌ డెస్క్‌: ఇటీవల విడుదలై టాలీవుడ్‌లో నూతనోత్తేజాన్ని తీసుకొచ్చిన చిత్రాల్లో ‘బింబిసార’ (Bimbisara) ఒకటి. నందమూరి కల్యాణ్‌రామ్‌ (Nandamuri KalyanRam) హీరోగా తెరకెక్కిన ఈ సినిమా ప్రశంసలతోపాటు బాక్సాఫీసు వద్ద మంచి వసూళ్లను సాధిస్తోంది. ఈ సందర్భంగా చిత్ర బృందం ‘ది క్రానికల్స్‌’ పేరిట మేకింగ్‌ వీడియోను విడుదల చేసింది. సోషియో ఫాంటసీ కథలను తెరకెక్కించటం ఎంత కష్టమో ఈ వీడియో చూస్తే అర్థమవుతుంది. సినిమా సెట్స్‌లో వాతావరణం ఎలా ఉంటుంది?ఈ చిత్రంలోని పోరాట దృశ్యాల్ని ఎలా షూట్‌ చేశారు? కథానాయకుడు పరిగెత్తే సీన్‌ని ఎలా క్యాప్చర్‌ చేశారు? తదితర విశేషాల్ని ఈ వీడియోలో చూడొచ్చు. ఈ సినిమాతో తొలి ప్రయత్నంలోనే దర్శకుడిగా తనదైన ముద్రవేశారు వశిష్ఠ. ఎం. ఎం. కీరవాణి అందించిన నేపథ్య సంగీతం, చోటా కె. నాయుడి ఛాయాగ్రాహణం ఈ సినిమాకి ప్రధాన బలంగా నిలిచాయి. కేథరిన్‌, సంయుక్తా మేనన్‌ కథానాయికలుగా అలరించారు. కల్యాణ్‌రామ్‌ కెరీర్‌లోనే భారీ బడ్జెట్‌ చిత్రంగా తెరకెక్కిన ఈ ‘బింబిసార’కు సీక్వెల్‌ వచ్చే అవకాశం ఉంది.


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని