Vijayanand: ‘విజయానంద్‌’ ప్రయాణం

సామాన్యుడిగా జీవితాన్ని ప్రారంభించి.. వీఆర్‌ఎల్‌ అనే పెద్ద లాజిస్టిక్‌ కంపెనీ స్థాపించి ఎందరికో ఆదర్శప్రాయుడిగా నిలిచారు విజయ్‌ శంకేశ్వర్‌ (Vijay Sankeshwar). ఇప్పుడాయన జీవిత కథ ‘విజయానంద్‌’ (Vijayanand) పేరుతో తెరపైకి వస్తోంది. టైటిల్‌ పాత్రలో నిహాల్‌ (Nihal) నటించారు. రిషికా శర్మ తెరకెక్కించారు. ఆనంద్‌ శంకేశ్వర్‌ నిర్మాత. అనంత్‌ నాగ్‌, వినయ ప్రసాద్‌, వి.రవిచంద్రన్‌ తదితరులు కీలక పాత్రలు పోషించారు. ఈ చిత్ర టీజర్‌ను మంగళవారం విడుదల చేశారు. విజయానంద్‌ తన తండ్రిపై ఆధారపడకుండా.. సొంత తెలివితేటలతో లారీల వ్యాపారంలోకి ఎలా ప్రవేశించారు, అటు నుంచి క్రమంగా పైకి ఎలా ఎదిగారు, ఈ క్రమంలో ఆయనకు అండగా నిలిచిందెవరు? అనే విషయాల్ని టీజర్‌లో ఆసక్తికరంగా చూపించారు. ఈ సినిమా త్వరలో తెలుగు, తమిళం, కన్నడ, హిందీ, మలయాళ భాషల్లో ఒకేసారి విడుదల కానుంది. ఈ చిత్రానికి సంగీతం: గోపీ సుందర్‌, ఛాయాగ్రహణం: కీర్తన్‌.