Bloody mary: ‘బ్లడీ మేరీ’ మేకింగ్ వీడియో చూశారా..

ఇంటర్నెట్‌డెస్క్‌: ‘మెంటల్‌మదిలో’ సినిమాతో తెలుగు తెరకు పరిచయమై ‘అల వైకుంఠపురము’ ద్వారా గుర్తింపు తెచ్చుకున్న నటి నివేదా పేతురాజ్‌. ప్రస్తుతం ఈ హీరోయిన్‌ ప్రధాన పాత్రలో నటించిన ‘బ్లడీ మేరీ’ ఈ నెల 15న ఆహా వేదికగా ప్రేక్షకుల ముందుకు రానుంది. ఈ సినిమా మేకింగ్‌ వీడియోను చిత్రబృందం విడుదల చేసింది. దర్శకుడు చందు ముండేటి పూర్తి క్రైం థ్రిల్లర్‌గా తెరకెక్కిస్తోన్న ఈ చిత్రంలో నివేదా అంధురాలి పాత్రలో నటిస్తోంది. కిరిటీ దామరాజ్‌, బ్రహ్మాజీ, అజయ్‌ కీలక పాత్రల్లో పోషిస్తోన్న ఈ మూవీని పీపుల్‌ మీడియా  ఫ్యాక్టరీ బ్యానర్‌పై టీజీ విశ్వ ప్రసాద్‌ నిర్మిస్తున్నారు. కార్తీక్‌ ఘట్టమనేని సినిమాటోగ్రఫీ అందిస్తుండగా కాలభైరవ సంగీతం సమకూరుస్తున్నారు.