Mahesh Babu: మహేశ్ కోసం ఆ హీరోయిన్‌ను ఎంపిక చేసిన రాజమౌళి?

ఇంటర్నెట్‌ డెస్క్‌: రాజమౌళి- మహేశ్‌ బాబు కాంబోలో తెరకెక్కనున్న సినిమా.. పూర్తి స్క్రిప్టు సిద్ధమవకముందే ఎన్నో అంచనాలు పెంచేసింది. ఈ కాంబినేషన్‌పై ప్రేక్షకుల్లోనే కాదు చిత్ర పరిశ్రమలోనూ ఆసక్తి నెలకొంది. అడవి నేపథ్యంలో సాగే యాక్షన్‌ సినిమా అనే ఊహాగానాలు ఆ అంచనాలను రెట్టింపు చేశాయి. ఇప్పుడు మరో ఆసక్తికర వార్త టాలీవుడ్‌ వర్గాల్లో చక్కర్లు కొడుతోంది. ఈ క్రేజీ ప్రాజెక్టులో మహేశ్‌బాబు సరసన బాలీవుడ్‌ నటి అలియా భట్‌ సందడి చేయనుందని టాక్‌ వినిపిస్తోంది. ఈ చిత్రంలోని కథానాయిక పాత్రకు అలియానే న్యాయం చేయగలదని భావించిందట చిత్ర బృందం. ఈ మేరకు ఆమెను సంప్రదించిందని తెలుస్తోంది. మహేశ్‌ బాబుతో కలిసి నటించేందుకు అలియా సుముఖంగా ఉందని, వచ్చే ఏడాది ఈ సినిమా పట్టాలెక్కే అవకాశాలున్నాయని సమాచారం. అధికారిక ప్రకటన రావాల్సిఉంది. విజువల్‌ ఎఫెక్ట్స్‌కు అధిక ప్రాధాన్యత ఉండే ఈ పాన్‌ ఇండియా సినిమాకు రాజమౌళి తండ్రి, ప్రముఖ రచయిత విజయేంద్ర ప్రసాద్‌ కథ అందిస్తున్నారు.

రామ్‌ చరణ్‌, ఎన్టీఆర్‌ కథానాయికలుగా రాజమౌళి తెరకెక్కించిన ‘ఆర్‌ఆర్‌ఆర్‌’ చిత్రంలో అలియా ఓ కథానాయికగా నటించింది. ఈ సినిమాతోనే ఆమె టాలీవుడ్‌లోకి ఎంట్రీ ఇస్తుంది. ఈ చిత్రం మార్చి 25న ప్రేక్షకుల ముందుకురానుంది. డీవీవీ దానయ్య నిర్మించిన ఈ సినిమాకి కీరవాణి సంగీతం అందించారు. రాజమౌళి దర్శకత్వంలో వెంటవెంటనే రెండు పాన్‌ ఇండియా చిత్రాల్లో నటించే అవకాశం అలియా అందుకోవడం విశేషమని సినీ వర్గాలు పేర్కొన్నాయి.