OTT Movies: డిజిటల్ తెరపై మెరవనున్న బాలీవుడ్ తారలు
వెండితెరపై మెరిసిన బీ టౌన్(Bollywood) స్టార్స్ వెబ్సిరీస్ల్లో కనిపించడానికి సిద్ధమయ్యారు. ఈ ఏడాది ఓటీటీల్లోకి అరంగేట్రం చేసి డిజిటల్ ప్రేక్షకులను అలరించనున్నారు.
ఇంటర్నెట్డెస్క్: ప్రస్తుతం థియేటర్లలో విడుదలయ్యే సినిమాలకు ఎంత క్రేజ్ ఉందో.. ఓటీటీలో రిలీజ్ అయ్యే వెబ్ సిరీస్లకు అంతే క్రేజ్ ఉంది. అందుకే వెండితెరకు వన్నెలద్దిన ముద్దుగుమ్మలు, బిగ్ స్క్రీన్పై హీరోయిజం చూపించిన స్టార్ హీరోలు కూడా ఓటీటీ వేదికగా వారి ఉనికిని చాటుకునేందుకు ఆసక్తి చూపుతున్నారు. ఇప్పటికే పలువురు నటీనటులు ఈ బాట పట్టగా తాజాగా ఈ ఏడాది(2023) మరికొందరు ఈ డిజిటల్ దారిన(ott debut) నడవడానికి సిద్ధమయ్యారు. వారెవరో తెలుసుకుందామా మరి..
కరీనా కపూర్:
అందమైన ప్రేమకథతో ఓటీటీలోకి అరంగేట్రం చేయనుంది స్టార్ హీరోయిన్ కరీనా కపూర్(Kareena Kapoor). ‘లాల్ సింగ్ చద్దా’(Laal Singh Chaddha) అనుకున్నంత విజయం సాధించకపోవడంతో ఈ సారి ఎలాగైనా తన సత్తా చాటాలని నిర్ణయించుకుందీ అమ్మడు. సుజయ్ ఘోష్(Sujoy Ghosh) దర్శకత్వంలో ‘ది డివోషనల్ ఆఫ్ సస్పెక్ట్ ఎక్స్’(The Devotion of Suspect X) అనే వెబ్ సిరీస్లో నటిస్తోంది. ఓ నవల ఆధారంగా ఇది తెరకెక్కుతోంది. ఓటీటీలో విడుదల చేయనున్న ఈ వెబ్ సిరీస్లో పలువురు అగ్ర స్థాయి నటీనటులు కీలకపాత్రలు పోషించనున్నారు. నెట్ఫ్లిక్స్ వేదికగా ఈ సిరీస్ రానుంది.
ఆదిత్యరాయ్ కపూర్
ఓ ప్రముఖ ఇంగ్లీష్ సిరీస్ రీమేక్తో ఓటీటీలోకి అడుగుపెట్టడానికి సిద్ధమయ్యారు ఆదిత్య కపూర్(Aditya Roy Kapur). గోల్డెన్ గ్లోబ్ అవార్డును సొంతం చేసుకున్న ‘ది నైట్ మేనేజర్’(The Night Manager)ను అదే పేరుతో హిందీలో రీమేక్ చేశారు. ఇక ఈ సిరీస్లో అనిల్ కపూర్(Anil Kapoor), శోభితా ధూళిపాళ (Sobhita Dhulipala) ముఖ్యమైన పాత్రల్లో కనిపించనున్నారు. ఇప్పటికే విడుదలైన ఈ సిరీస్ ట్రైలర్ మంచి ప్రేక్షకాదరణ పొందింది. హాలీవుడ్లో టామ్ హిడిల్స్టన్(Tom Hiddleston) ఈ సిరీస్తో సినీ ప్రియులను ఆకట్టుకున్నారు. మరి ఆ పాత్రలో ఆదిత్యరాయ్ కపూర్ను చూడడానికి బాలీవుడ్ ప్రేక్షకులు ఎదురుచూస్తున్నారు. సుసనా బేర్(Sussana Bier) దర్శకత్వం వహించిన ఈ సిరీస్ హాట్స్టార్ వేదికగా అలరించనుంది.
కాజోల్:
తన అందంతో వెండితెర ప్రేక్షకులను ఆకట్టుకున్న కాజోల్(Kajol) ఇప్పుడు డిజిటల్ తెరపై మెరవడానికి రెడీ అయిపోయింది. అమెరికన్ కోర్ట్రూమ్ డ్రామా ‘ది గుడ్ వైఫ్’(The Good Wife) సిరీస్ను స్ఫూర్తిగా తీసుకుని అదే పేరుతో బాలీవుడ్లో ఓ వెబ్ సిరీస్ను రూపొందిస్తున్నారు. ఈ సిరీస్కు సుపర్ణ వర్మ (Suparn Verma) దర్శకత్వం వహిస్తుండగా కాజోల్ ప్రధాన పాత్ర పోషించనుంది. డిస్నీ+ హాట్స్టార్ వేదికగా ఈ సిరీస్ విడుదలవ్వనుంది.
ఊర్మిళ:
ఇప్పటికే బాలీవుడ్ స్టార్లు మాధురీ దీక్షిత్(Madhuri Dixit) నుంచి సైఫ్ అలీ ఖాన్(Saif Ali Khan) వరకు చాలా మంది ఓటీటీలోనూ సూపర్ సక్సెస్ అయ్యారు. ఇప్పుడు వారి సరసన చేరనుంది మరో స్టార్ హీరోయిన్ ఊర్మిళ మతోండ్కర్ (Urmila Matondkar). ‘తివారీ’(Tiwari) పేరుతో నిర్మిస్తున్న వెబ్ సిరీస్లో నటిస్తోంది. థ్రిల్లర్ కథాంశంతో రూపొందుతున్న ఈ సిరీస్ తల్లీ-కూతుళ్ల చుట్టూ తిరుగుతుంది. ఇక ఫస్ట్ లుక్ పోస్టర్తోనే ప్రేక్షకులను ఊర్మిళ ఆకర్షించింది.
సిద్ధార్థ్ మల్హోత్ర:
బాలీవుడ్ హీరో సిద్ధార్థ్ మల్హోత్ర(Sidharth Malhotra) ‘ఇండియన్ పోలీస్ ఫోర్స్’(Indian Police Force)గా ఓ సిరీస్తో ఓటీటీలోకి రానున్నాడు. రోహిత్ శెట్టి దర్శకత్వంలో ఎనిమిది భాగాలుగా ఈ కాప్ డ్రామా తెరకెక్కనుంది. ఈ యాక్షన్ ప్యాక్డ్ సిరీస్లో వివేక్ ఒబెరాయ్(Vivek Oberoi), శిల్పా శెట్టి(Shilpa Shetty) ముఖ్యమైన పాత్రల్లో కనిపించనున్నారు. ఈ సిరీస్ హిట్పై ఇప్పటికే కచ్చితమైన నమ్మకంతో ఉన్న రోహిత్ శెట్టి దీనితో ఓ కొత్త బెంచ్మార్క్ను సృష్టిస్తారనే ధీమాతో ఉన్నారు.
వరుణ్ ధావన్:
టాలీవుడ్ అగ్ర కథానాయిక సమంత(Samantha)తో కలిసి ఓటీటీ ఎంట్రీకి రిబ్బన్ కట్ చేశాడు వరుణ్ ధావన్(Varun Dhawan). ‘సిటాడెల్’(Citadel) పేరుతో ఓ వెబ్ సిరీస్ చేస్తున్నారు. ఇద్దరూ అగ్ర తారలే అవ్వడంతో ఈ సిరీస్పై భారీ అంచనాలు పెట్టుకున్నారు నెటిజన్లు. ‘ది ఫ్యామిలీ మ్యాన్’ సిరీస్తో విజయాన్ని అందుకున్న రాజ్ అండ్ డీకే దీనికి దర్శకత్వం వహిస్తున్నారు. తాజాగా ఇందులో సమంత లుక్ను విడుదల చేయగా నెటిజన్లు ఫిదా అయ్యారు. హాలీవుడ్ షో ‘సిటాడెల్’కు రీమేక్గా ఇది రూపొందుతోంది. ఇందులో వరుణ్ ధావన్, సమంత గూఢచారి పాత్రల్లో కనిపించనున్నారు. డిజిటల్ ప్రేక్షకులు ఈ సిరీస్ కోసం ఆసక్తిగా ఎదురుచూస్తున్నారు.
సోనాక్షి సిన్హా:
యాక్షన్ థ్రిల్లర్తో ఓటీటీలోకి అరంగేట్రం చేయనుంది స్టార్ హీరోయిన్ సోనాక్షి సిన్హా(Sonakshi Sinha). ‘దహాద్’(Dahaad) అనే వెబ్సిరీస్తో ప్రేక్షకులను పలకరించనుంది. ఇందులో విజయ్ వర్మ(Vijay Varma), సోహమ్ షా(Sohum Shah)లతో కలిసి నటిస్తోంది. ఇందులో సోనాక్షి పోలీసు పాత్రలో కనిపించనుంది. ‘దబాంగ్’తో సినీ ప్రయాణం మొదలు పెట్టిన ఈ అందాల తార ఇటీవల ‘డబుల్ ఎక్స్ఎల్’ లో కనిపించింది. ఆ సినిమా అనుకున్న స్థాయిలో విజయం సాధించకపోవడంతో తన ఆశలన్నీ ఓటీటీపైనే పెట్టుకుందీ అమ్మడు.
అనన్య పాండే:
తన లుక్స్తో కుర్రకారు గుండెల్లో గుబులు పుట్టించే హీరోయిన్ అనన్య పాండే(Ananya Panday). ఈ భామ ఓటీటీలో తన ఉనికిని చాటుకోడానికి రెడీ అయింది. ‘కాల్ మీ బే’(Call Me Bae) సిరీస్తో డిజిటల్ తెరపై తన అదృష్టాన్ని పరీక్షించుకోనుంది. వరుణ్ సూద్(Varun Sood) సరసన అనన్య నటిస్తోన్న ఈ సిరీస్ను కరణ్ జోహార్ నిర్మిస్తున్నట్లు సమాచారం. నలుగురు పురుషుల సరసన ఆమె బిలియనీర్ ఫ్యాషన్ స్టార్ పాత్రను పోషించనుంది. అమెజాన్ ప్రైమ్ వేదికగా ఈ సిరీస్ విడుదలవ్వనుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
తెలుగులో ‘నాయట్టు’.. స్ట్రీమింగ్ ఎక్కడంటే?
మలయాళ చిత్రం ‘నాయట్టు’ ఇప్పుడు తెలుగు ఆడియోతో అందుబాటులోకి వచ్చేందుకు సిద్ధమైంది. -
‘టిల్లన్న వచ్చేస్తుండు’.. ఓటీటీలో స్ట్రీమింగ్ ఎప్పుడంటే..?
సిద్ధు జొన్నలగడ్డ - అనుపమ పరమేశ్వరన్ ప్రధాన పాత్రల్లో నటించిన చిత్రం ‘టిల్లు స్క్వేర్’. త్వరలో ఇది ఓటీటీలో విడుదల కానుంది. -
ఈటీవీ విన్లో ఆకట్టుకుంటోన్న క్రైమ్ కామెడీ చిత్రం
ఈటీవీ విన్ వేదికగా విడుదలైన 'శర్మ & అంబానీ' ప్రేక్షకాదరణ పొందుతోంది. -
ఓటీటీలో ‘గామి’ సరికొత్త రికార్డు.. ఎన్ని మిలియన్ల వీక్షణలంటే..
‘గామి’ ఓటీటీలోనూ రికార్డు సృష్టించింది. ఈ విషయాన్ని తెలుపుతూ జీ5 సంస్థ ప్రత్యేక పోస్టర్ను రిలీజ్ చేసింది. -
ఓటీటీలోకి కన్నడ బ్లాక్బస్టర్.. స్ట్రీమింగ్ ఎక్కడంటే..?
కన్నడ నటుడు దర్శన్ (Darshan) ప్రధాన పాత్రలో నటించిన చిత్రం ‘కాటేరా’ (Kaatera) -
ఓటీటీలోకి ‘భీమా’.. స్ట్రీమింగ్ ఎప్పుడంటే
‘భీమా’ ఓటీటీలోకి వచ్చేందుకు సిద్ధమైంది. -
ఓటీటీలోకి వచ్చేస్తోన్న కీర్తి సురేశ్ ఎమోషనల్ డ్రామా.. స్ట్రీమింగ్ ఎక్కడంటే
కీర్తి సురేశ్ నటించిన ‘సైరన్’ ఓటీటీలో విడుదలకు సిద్ధమైంది. -
‘ఏజెంట్’ ఓటీటీ రిలీజ్పై నెటిజన్ పోస్ట్.. క్లారిటీ ఇచ్చిన నిర్మాత
అఖిల్ నటించిన ‘ఏజెంట్’ ఓటీటీ విడుదలపై నిర్మాత మరోసారి స్పందించారు. -
ఓటీటీలోకి వచ్చేస్తోన్న కామెడీ ఎంటర్టైనర్.. స్ట్రీమింగ్ ఎప్పుడంటే!
‘ఓం భీమ్ బుష్’ ఓటీటీలోకి వచ్చేందుకు సిద్ధమైంది. అమెజాన్ ప్రైమ్ వేదికగా ప్రసారం కానుంది. -
ఓటీటీలోకి ‘ప్రేమలు’ తెలుగు వెర్షన్.. స్ట్రీమింగ్ ఎక్కడంటే.?
ఇటీవల కాలంలో యూత్ను బాగా ఆకర్షించిన మలయాళీ ప్రేమకథా చిత్రం ‘ప్రేమలు’. ఇప్పుడు ఇది ఓటీటీ వేదికగా ప్రేక్షకులను అలరించేందుకు సిద్ధమైంది. -
ఈ వారం ఓటీటీలో సినిమాలే సినిమాలు.. ఏ మూవీ ఎక్కడ స్ట్రీమింగ్ అంటే..?
బయట ఎండలు మండిపోతున్నాయి. థియేటర్లో వరుస చిత్రాలు సందడి చేస్తున్నాయి. అయినా, ప్రతీ వారం ఇంటికి వచ్చి మరీ వినోదాన్ని పంచుతున్నాయి ఓటీటీ చిత్రాలు. మరి ఈ వారం ఏ ఓటీటీ వేదికగా ఏ సినిమాలు, సిరీస్లు స్ట్రీమింగ్ అవుతున్నాయో చూసేయండి. -
‘సేవ్ ది టైగర్స్2’ రికార్డు.. ఇండియాలోనే టాప్..
కుటుంబ ప్రేక్షకులను అలరించిన సేవ్ ది టైగర్స్ సీజన్2 రికార్డు సృష్టించింది. -
ఓటీటీలో ‘ఫైటర్’ రికార్డులు.. ఆ హాలీవుడ్ మూవీని దాటేసింది!
Fighter ott: ఓటీటీలో స్ట్రీమింగ్ అవుతున్న హృతిక్ రోషన్ ‘ఫైటర్’ రికార్డు వ్యూస్తో దూసుకుపోతోంది. -
ఓటీటీలోకి విశ్వక్సేన్ ‘గామి’.. స్ట్రీమింగ్ ఎప్పుడంటే..?
విశ్వక్సేన్ (Vishwak Sen) హీరోగా నటించిన సరికొత్త చిత్రం ‘గామి’ (Gaami). తాజాగా ఈ సినిమా ఓటీటీ రిలీజ్ డేట్ విడుదలైంది. -
న్యూ ఏజ్ లవ్స్టోరీ ‘ప్రేమలు’.. ఓటీటీ స్ట్రీమింగ్ తేదీ వచ్చేసింది!
premalu ott release date telugu: యువతను విశేషంగా ఆకట్టుకున్న సరికొత్త చిత్రం ‘ప్రేమలు’ ఓటీటీలో స్ట్రీమింగ్ అయ్యేందుకు సిద్ధమైంది. -
ఎట్టకేలకు ఓటీటీలో వస్తున్న కాజల్ హారర్ థ్రిల్లర్.. స్ట్రీమింగ్ ఎప్పుడంటే?
కాజల్, రెజీనా కీలక పాత్రల్లో నటించిన ‘కార్తీక’ మూవీ తెలుగులో ఓటీటీ వేదికగా స్ట్రీమింగ్ అయ్యేందుకు సిద్ధమైంది. -
ధన్య బాలకృష్ణన్ కొత్త వెబ్సిరీస్.. స్ట్రీమింగ్ ఎక్కడంటే?
సరికొత్త సిరీస్లు, సినిమాలతో తెలుగు ప్రేక్షకులకు వినోదాన్ని పంచుతున్న ఈటీవీ విన్లో మరో ఆసక్తికర సిరీస్ స్ట్రీమింగ్ అయ్యేందుకు సిద్ధమైంది. -
‘తంత్ర’ ఓటీటీ రిలీజ్ డేట్ ఫిక్స్.. స్ట్రీమింగ్ ఎప్పుడంటే
అనన్య నాగళ్ల ప్రధాన పాత్రలో నటించిన ‘తంత్ర’ చిత్రం ఓటీటీలో విడుదల కానుంది. -
నెట్ఫ్లిక్స్లో రికార్డు సృష్టించిన ‘ఫైటర్’.. టాప్3లో స్థానం
‘ఫైటర్’ చిత్రం నెట్ఫ్లిక్స్లో రికార్డు నెలకొల్పింది. ప్రపంచవ్యాప్తంగా ఎక్కువమంది చూసిన చిత్రాల్లో టాప్3లో నిలిచింది. -
ఓటీటీలోకి అభినవ్ గోమఠం కొత్త సినిమా.. స్ట్రీమింగ్ ఎక్కడంటే..?
‘సేవ్ ది టైగర్స్’ వెబ్ సిరీస్తో తెలుగు ప్రేక్షకుల్లో విశేష ఆదరణ సొంతం చేసుకున్నారు నటుడు అభినవ్ గోమఠం (Abhinav Gomatam). ఆయన ప్రధాన పాత్రలో నటించిన చిత్రం ‘మస్తు షేడ్స్ ఉన్నయ్ రా’ (MasthuShadesUnnaiRa). -
Sundaram Master: ఓటీటీలోకి ‘సుందరం మాస్టర్’.. స్ట్రీమింగ్ ఎప్పుడంటే?
థియేటర్లలో సందడి చేసిన ‘సుందరం మాస్టర్’ సినిమా ఓటీటీ రిలీజ్ డేట్ ఫిక్స్ అయింది.
తాజా వార్తలు (Latest News)
-
దీదీకి ఆ ధైర్యం లేదు: అమిత్ షా
-
ఆడిషన్ అంటూ పది మందిని ముద్దు పెట్టుకోమన్నారు: స్టార్ హీరోయిన్
-
గుంపులో స్మార్ట్ఫోన్లు కొట్టేస్తే.. చిన్న ట్రిక్తో పట్టేశాడు..!
-
ఈనాడు.నెట్లో టాప్ 10 వార్తలు @ 5 PM
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
-
మద్యం మత్తులో విమాన సిబ్బందిపై ప్రయాణికుడి దాడి