Boo OTT release: నేరుగా ఓటీటీలోకి విశ్వక్‌సేన్‌, రకుల్‌ మూవీ.. ఫ్రీగా చూడొచ్చు!

ఇంటర్నెట్‌డెస్క్‌: విశ్వక్‌సేన్‌, రకుల్‌ ప్రీత్‌ సింగ్‌, మోనికా, నివేదా పేతురాజ్‌, మేఘా ఆకాశ్‌, మంజిమా మోహన్‌ తదితరులు కీలక పాత్రల్లో నటించిన హారర్‌ మూవీ ‘బూ’ (BOO). విజయ్‌ దర్శకుడు. తెలుగు, తమిళ భాషల్లో తెరకెక్కిన ఈ సినిమా ఎప్పుడో చిత్రీకరణ పూర్తి చేసుకుంది. అయితే అనివార్య కారణాల వల్ల థియేటర్‌లో విడుదల కాలేదు. ఇప్పుడు నేరుగా ఓటీటీలో ఈ చిత్రాన్ని విడుదల చేస్తున్నారు. జియో సినిమా వేదికగా మే 27వ తేదీ నుంచి ‘బూ’ స్ట్రీమింగ్‌ కానుంది. ఈ విషయాన్ని తెలియజేస్తూ జియో సినిమా టీజర్‌ను విడుదల చేసింది. ‘మీకు ఎక్కిళ్లు వస్తే మంచినీళ్ల కోసం చూడకండి. ఒకసారి చుట్టూ చూడండి. మీ పక్కనే దెయ్యం ఉండే అవకాశం ఉంది’ అని జియో స్టూడియోస్‌ పేర్కొంది.