Malavika Satishan: రాజమౌళి చిత్రంలో నటించాలని కల

‘‘వైవిధ్యభరితమైన కథాంశంతో తెరకెక్కిన చిత్రం ‘బాయ్‌ఫ్రెండ్‌ ఫర్‌ హైర్‌’ (BoyFriend For Hire). ఎలాంటి అసభ్యతకు తావు లేకుండా చాలా క్లీన్‌గా ఉంటుంది సినిమా’’ అంది మాళవిక సతీషన్‌ (Malavika Satishan). ఆమె.. విశ్వంత్‌ జంటగా నటించిన ఈ చిత్రాన్ని సంతోష్‌ కంభంపాటి తెరకెక్కించారు. వేణుమాధవ్‌ పెద్ది, కె.నిరంజన్‌ రెడ్డి సంయుక్తంగా నిర్మించారు. ఈ సినిమా ఈనెల 14న విడుదల కానుంది. ఈ నేపథ్యంలోనే శనివారం హైదరాబాద్‌లో విలేకర్లతో చిత్ర విశేషాలు పంచుకుంది మాళవిక.

* ‘‘టైటిల్‌ చూసి ఇది చాలా బోల్డ్‌ ఫిల్మ్‌ అనుకుంటారు కానీ, ఇది చాలా క్లీన్‌ సినిమా. నేనిందులో దివ్య అనే పాత్రలో కనిపిస్తా’’.
* ‘‘మామూలుగా సినిమాల్లో అమ్మాయి వెనక అబ్బాయి తిరుగుతాడు. కానీ, ఇందులో అమ్మాయే అబ్బాయి చుట్టూ తిరుగుతుంది’’.
* ‘‘నటిగా అన్ని రకాల పాత్రలు చేయాలనుంది. రాజమౌళి సినిమాలో నటించాలని కల. శివ నాగేశ్వరరావు దర్శకత్వంలో ‘దోచేవారెవరురా’లో నటిస్తున్నా. సూపర్‌ గుడ్‌ ఫిలిమ్స్‌లో ఓ సినిమా చేస్తున్నా’’.