Brahmanandam: వరదరాజుగా...

తరుణ్‌ భాస్కర్‌ దర్శకత్వంలో తెరకెక్కుతున్న చిత్రం ‘కీడా కోలా’ (Keeda Cola). విజి సైన్మా పతాకంపై భరత్‌ కుమార్‌, శ్రీపాద నందిరాజ్‌, ఉపేంద్ర వర్మ, శ్రీనివాస్‌ కౌశిక్‌, సాయికృష్ణ గద్వాల్‌, విజయ్‌ కుమార్‌ నిర్మిస్తున్నారు. ఎనిమిది ప్రధాన పాత్రల చుట్టూ సాగే ఈ చిత్రంలో ప్రముఖ నటుడు బ్రహ్మానందం (Brahmanandam) ఓ కీలక పాత్రని పోషిస్తున్నారు. ప్రతి ఒక్కరికీ వాళ్ల తాతని గుర్తు చేసేలా... వరదరాజు పాత్రలో కనిపిస్తారని, ఇదివరకు చూడని ఓ సరికొత్త అవతారంలో ఆయన సందడి చేస్తారని సినీవర్గాలు తెలిపాయి. బ్రహ్మానందం పుట్టినరోజు సందర్భంగా బుధవారం ఈ సినిమాలోని ఆయన లుక్‌ని విడుదల చేశారు.