Brahmanandam: ‘రానా నాయుడు’లో వెంకటేశ్‌ పాత్ర నేను చేయాల్సింది: బ్రహ్మానందం

హైదరాబాద్‌: ‘రానానాయుడు’లో (Rana Naidu) వెంకటేశ్‌ (Venkatesh) పోషించిన తండ్రి పాత్రకు తన ఏజ్‌ సరిపోలేదని దీంతో ఆయన్ను పెట్టుకున్నారని సీనియర్‌ నటుడు బ్రహ్మానందం (Brahmanandam) అన్నారు. ఆ పాత్ర కోసం ఆడిషన్స్‌ కూడా చేసినట్లు చెప్పారు. ఈ సిరీస్‌లో వాళ్లు ఎలా నటించారో తానూ చూస్తానని చెప్పుకొచ్చారు. రానా (Rana), వెంకటేశ్‌ (Venkatesh) కీలక పాత్రల్లో నటించిన వెబ్‌సిరీస్‌ ‘రానానాయుడు’. ప్రముఖ ఓటీటీ నెట్‌ఫ్లిక్స్‌ వేదికగా స్ట్రీమింగ్‌ అవుతోంది. సిరీస్‌ ప్రమోషన్‌లో భాగంగా బ్రహ్మానందం నటించిన స్పెషల్‌ వీడియోను నెట్‌ఫ్లిక్స్‌ పంచుకుంది. ఆస్కార్‌నాయుడిగా ఎంట్రీ ఇచ్చిన బ్రహ్మానందం ఇచ్చిన ఆడిషన్స్‌ నవ్వులు పూయించాయి. కిరిటీ దామరాజు, జబర్దస్త్‌ అవినాష్‌లు ఇందులో కనిపించారు.