BujjiIlaRaa: ధన్‌రాజ్‌లో మరో కోణం చూశా

సునీల్‌, ధన్‌రాజ్‌ ప్రధాన పాత్రల్లో నటిస్తున్న చిత్రం ‘బుజ్జీ... ఇలా రా’. చాందిని అయ్యంగార్‌ కథానాయిక. ‘గరుడవేగ’ అంజి దర్శకత్వం వహిస్తున్నారు. అగ్రహారం నాగిరెడ్డి, సంజీవరెడ్డి నిర్మాతలు. రూపా జగదీశ్‌ సమర్పిస్తున్నారు. ఈ సినిమా టీజర్‌ సోమవారం హైదరాబాద్‌లో విడుదలైంది. ఈ సందర్భంగా ఏర్పాటు చేసిన విలేకర్ల సమావేశంలో దర్శకుడు జి.నాగేశ్వర్‌రెడ్డి మాట్లాడుతూ ‘‘ధన్‌రాజ్‌ నేను కలిసి చాలా సినిమాలు చేశాం. కమెడియన్‌గా కంటే కూడా, ఆయనలోని  మరో కోణాన్ని చూశా. అందుకే అతనికి ఓ కథని పంపించా. అదే ‘బుజ్జీ.. ఇలారా’ రూపంలో తెరకెక్కింది’’ అన్నారు. ధన్‌రాజ్‌ మాట్లాడుతూ ‘‘ఈ సినిమాతో కొత్త ధన్‌రాజ్‌ని చూస్తార’’న్నారు. కార్యక్రమంలో కోన వెంకట్‌, బి.వి.ఎస్‌.రవి తదితరులు పాల్గొన్నారు.