Capital A Small a: ‘తారే జమీన్‌ పర్‌’ చిన్నోడు ఇప్పుడెలా ఉన్నాడో చూశారా..!

హైదరాబాద్: దర్శీల్ సఫారీ(Darsheel Safary) ఈ నటుడి ఈ పేరు చెప్పగానే గుర్తొచ్చేది ‘తారే జమీన్‌ పర్’‌. ఈ సినిమాలో తన అద్భుతమైన నటనతో అందరినీ ఆకట్టుకున్నాడు దర్శీల్‌. అప్పట్లో ఈ సినిమా సంచలనం సృష్టించింది. అందులో అత్యుత్తమంగా నటించిన ఆ చిన్నోడు ఇప్పుడు హీరో అయ్యాడు. తాజాగా ఓ షార్ట్‌ ఫిల్మ్‌లో నటించాడు. ‘క్యాపిటల్‌ ఎ స్మాల్‌ ఎ’ అనే ఈ షార్ట్‌ ఫిల్మ్‌ ట్రైలర్‌ ఇటీవల విడుదలైంది. ఈ ట్రైలర్‌కు ప్రేక్షకుల నుంచి పాజిటివ్‌ రెస్పాన్స్‌ వస్తోంది. టీనేజ్‌లో పుట్టే ప్రేమ ఆధారంగా ఈ షార్ట్‌ ఫిల్మి తెరకెక్కింది. ట్రైలర్‌లో ఆదిగా దర్శీల్‌, ఆంషిగా రేవతిల నటన ప్రేక్షకుల హృదయాలకు హత్తుకునే విధంగా ఉంది. సురేష్‌ కుమార్‌ దర్శకత్వం వహించిన ఈ సినిమా అమెజాన్‌ మినీటివిలో ప్రసారం అవుతోంది. ఈ సందర్భంగా దర్శీల్‌ మాట్లాడుతూ కరోనా కారణంగా తన జీవితంలో ఎన్నో విషయాలు నేర్చుకున్నానని అన్నాడు. జాన్వీకపూర్‌ సరసన నటించాలని ఉందని తన కోరికను చెప్పాడు.