Captain Miller: 1940ల నాటి ‘కెప్టెన్‌ మిల్లర్‌’

క్లాప్‌ క్లాప్‌

ధనుష్‌ (Dhanush) కథానాయకుడిగా అరుణ్‌ మాథేశ్వరన్‌ తెరకెక్కిస్తున్న పీరియాడికల్‌ చిత్రం ‘కెప్టెన్‌ మిల్లర్‌’. జి.శరవణన్‌, సాయి సిద్ధార్థ్‌ నిర్మిస్తున్నారు. ప్రియాంక అరుల్‌ మోహన్‌ కథానాయిక. సందీప్‌ కిషన్‌ (Sundeep Kishan) ఓ ముఖ్య పాత్ర పోషిస్తున్నారు. ఈ సినిమా గురువారం చెన్నైలో పూజా కార్యక్రమాలతో ప్రారంభమైంది. ఈ వేడుకకు సంబంధించిన ఫొటోలను చిత్ర బృందం సామాజిక మాధ్యమాల ద్వారా పంచుకుంది. ‘‘ధనుష్‌ కెరీర్‌లోనే భారీ బడ్జెట్‌తో తెరకెక్కుతున్న చిత్రమిది. 1930-40ల నేపథ్యంలో సాగే పీరియాడికల్‌ సినిమాగా ఉంటుంది. తమిళం, తెలుగు, హిందీ భాషల్లో ఒకేసారి విడుదల కానుంది’’ అని చిత్ర బృందం తెలిపింది.