CASH: సుమ కొత్త షాప్‌.. A TO Z హోమ్‌ నీడ్స్‌

హైదరాబాద్‌: యాంకర్‌ సుమ కొత్తగా ఓ షాప్‌ తెరిచారు. ‘సుమ ఏ టు జెడ్‌ హోమ్‌ నీడ్స్‌’ పేరుతో తెరిచిన ఈ దుకాణంలో అన్ని వస్తువులు లభిస్తాయట. అయితే, ఈ షాప్‌ను నిర్వహించే బాధ్యత సీరియల్‌ నటులు ప్రియాంక నాయుడు, రాజ్‌, మహేశ్వరి, రాజేశ్‌లకు అప్పగించారు. మరి వాళ్లు సుమ షాప్‌నకు ఏ విధంగా ప్రచారం చేశారు? అందుకు వాళ్లు ఎలాంటి మార్గాన్ని ఎంచుకున్నారు తెలియాలంటే వచ్చే శనివారం ప్రసారమయ్యే ‘క్యాష్‌’ చూడాల్సిందే.

సుమ వ్యాఖ్యాతగా ఈటీవీలో ప్రసారమవుతున్న ఎంటర్‌టైన్‌మెంట్‌ గేమ్‌ షో ‘క్యాష్‌.. దొరికినంత దోచుకో’. తరచూ సినీ తారలతో సందడిగా సాగే ఈ షోలో తాజాగా బుల్లితెర నటీనటులు పాల్గొన్నారు. షోలో భాగంగా సుమ, రాజ్‌ల మధ్య జరిగే సంభాషణలు, మహేశ్వరిపై సుమ వేసే పంచులు నవ్వులు పూయించేలా ఉన్నాయి. వచ్చే శనివారం ప్రసారం కానున్న ఈ ఫుల్‌ ఎపిసోడ్‌కు సంబంధించిన ప్రోమో చూసేయండి.