Updated : 05/08/2020 14:27 IST

‘భారతీయుల కల నెరవేరిన రోజు..’

రామ మందిరం నిర్మాణంపై సినీ ప్రముఖుల స్పందన

అయోధ్య: అయోధ్య నగరంలో రామ మందిరాన్ని నిర్మించేందుకు నేడు అంకురార్పణ జరిగింది. రాముడి జన్మస్థలమైన అయోధ్యలో ప్రధాని నరేంద్ర మోదీ ఇవాళ మధ్యాహ్నం ఆలయ నిర్మాణానికి భూమి పూజ చేశారు. కొవిడ్‌ నేపథ్యంలో కొద్దిమంది ప్రముఖులు ఈ కార్యక్రమానికి హాజరయ్యారు. ప్రపంచవ్యాప్తంగా కోట్లాది మంది భారతీయులు ఈ కార్యక్రమాన్ని ప్రత్యక్షప్రసారం ద్వారా వీక్షించారు. ఈ నేపథ్యంలో పలువురు సినీ ప్రముఖులు తమ అభిప్రాయాలను సోషల్‌ మీడియా ద్వారా పంచుకున్నారు.  

‘‘భారతీయులందరి బంగారు కల నెరవేరుతున్న రోజు. ‘శ్రీరామదాసు’ దర్శకుడిగా నా జన్మధన్యం. జై శ్రీరామ్‌. రామరాజ్యం వచ్చేస్తుంది’’: దర్శకుడు కె. రాఘవేంద్రరావు

‘‘అయోధ్య రాముడు ఆనందించేలా.. భారతదేశం గర్వించేలా.. ప్రపంచ చరిత్ర చెప్పుకునేలా.. ఎదురులేని, తిరుగులేని, మొక్కవోని సాహసంతో పుణ్యకారం తలపెట్టిన పుణ్యాత్ములందరికీ శతథా సహస్రథా వందనం.. అభివందనం. జై శ్రీరామ్‌..’’ సినీనటుడు మోహన్‌ బాబు

‘‘ఈ రోజు చాలా సుదినం. ఎన్నాళ్లో వేచిన ఉదయం. ఆనందిస్తోంది ప్రతి ఒక్కరి హృదయం. పవిత్ర సరయూ నది తీరాన ప్రభవించిన అయోధ్య పుణ్యక్షేత్రాన నేడు రామమందిర నిర్మాణానికి శంకుస్థాపన జరుగుతోంది. నలుదిశలా వినిపించాలి రామనామ సంకీర్తన. పరిమళించాలి మానవత్వం పారిజాతమై ప్రపంచాన. శ్రీరాముడు అందరివాడు. మానవీయతను మనసారా ప్రేమించినవాడు. మనిషిని మనిషిగా ప్రేమించడమే హైందవ జీవన సిద్ధాంతం అని నమ్మినవాడు. అటువంటి ఆదర్శ , అజేయ, ఆత్మీయ, మన అయోధ్య రాముడికి నమోం నమః. జై శ్రీరామ్‌.’’: నటుడు, సాయి కుమార్‌.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్