Artist Banerjee : చిరంజీవి బయోపిక్ తీస్తానని అనలేదు: నటుడు బెనర్జీ
అనుకోకుండా సినిమాల్లోకి అరంగేట్రం..ఆపై నాలుగు దశాబ్దాల సినీ ప్రస్థానం..ముక్కుసూటి మనస్తత్వం..నటుడిగా ఎత్తు పల్లాలు చూసినా ఏనాడూ వెనుదిరిగి చూడని నటుడు బెనర్జీ.
ఇంటర్నెట్ డెస్క్: అనుకోకుండా సినిమాల్లోకి అరంగేట్రం.. ఆపై నాలుగు దశాబ్దాల సినీ ప్రస్థానం.. ముక్కుసూటి మనస్తత్వం.. నటుడిగా ఎత్తు పల్లాలు చూసినా ఏనాడూ వెనుదిరిగి చూడని నటుడు బెనర్జీ. నటుడిగానే కాకుండా నిర్మాత, దర్శకుడిగా తన అభిరుచిని చాటుకున్నారు. విలన్గానే కాదు.. ఏ పాత్ర చేసినా అందులో ఒదిగిపోయే నటుడాయన. ఈటీవీలో ప్రసారమయ్యే ‘చెప్పాలని ఉంది’ కార్యక్రమానికి ముఖ్య అతిథిగా విచ్చేశారు. తన సినీ, నిజ జీవిత విశేషాలను ఆవిష్కరించారు.
ఇటీవల ‘ఆచార్య’లో చూశాం. ఇంకా ఏయే సినిమాలు రాబోతున్నాయి..?
బెనర్జీ: ప్రస్తుతం ‘విరాటపర్వం’ విడుదలకు సిద్ధంగా ఉంది. రానా, సాయి పల్లవి నటించారు. చాలా మంచి సినిమా. కొత్తవాళ్లతో రెండు, మూడు సినిమాలు చేస్తున్నా.
బాల్యం ఎక్కడ గడిచింది..?
బెనర్జీ: బాల్యం దిల్లీలో గడిచింది. హయ్యర్ సెకండరీ స్కూల్ బెజవాడలో సాగింది. గుంటూరు ఏసీ కాలేజీలో ఇంటర్, మద్రాస్లో హోటల్ మేనేజ్మెంట్ చేశా. కానీ, పూర్తి చేయలేదు. నాన్న సినిమా ఇండస్ట్రీలో ఉండటంతో సినిమావాళ్లు పరిచయమయ్యారు.
మీ నాన్న సినిమాల్లోకి ఎప్పుడు వచ్చారు..?
బెనర్జీ: ఆయన ఆర్టిస్ట్. హీరోగా చేయాలని తీసుకొచ్చారు. ‘వీరాంజనేయ’లో లక్ష్మణుడి పాత్ర వేశారు. ‘బ్రహ్మచారి’, ‘కథానాయకుడు’ తదితర చిత్రాల్లో నటించారు. ‘భరత్ అనే నేను’లో ఇద్దరం కలిసి నటించాం. విశ్వనాథ సత్యనారాయణగారి ‘వేయిపడగలు’ నవలను పీవీగారు హిందీలో రాశారు. టీవీ సీరియల్కు ఇద్దరం చేశాం.
అసిస్టెంట్ డైరెక్టర్గా ఎవరి వద్ద పని చేశారు..?
బెనర్జీ: మొదట యు. విశ్వేశ్వరరావు ‘హరిశ్చంద్రుడు’ సినిమాని ప్రభాకర్రెడ్డి, సావిత్రితో చేస్తున్నారు. సావిత్రిగారిని అదే చూడటం, మాకు అమ్మలాగా అనిపించేది. అదే ఆమె చివరి సినిమా. ఆ సినిమాకు అసిస్టెంట్ డైరెక్టరైనా నన్నూ నటింపజేశారు. దానికి జాతీయ అవార్డు వచ్చింది. తర్వాత లక్ష్మీ ప్రొడక్షన్లో దర్శకుడు తాతినేని రామారావు దగ్గర అసిస్టెంట్గా చేరా. చాలా సినిమాలు హిందీలోనే ఉన్నాయి.
నటుడిగా మళ్లీ ఎలా మారిపోయారు..?
బెనర్జీ: జూనియర్ ఆర్టిస్టులు సరిగా చేసేవారు కాదు. దీంతో గ్యాప్ రాకుండా ఉండాలని మధ్యలో వెళ్లడం, అవసరమైతే డైలాగ్ కూడా చెప్పేవాళ్లం. ‘ఇంక్విలాబ్’లో అమితాబ్ హీరో, శ్రీదేవి హీరోయిన్. అది కన్నడ రీమేక్. అందులోని నటుడు ఒకతను ఇందులో నటిస్తున్నారు. షూటింగ్ రోజు రాలేదు. అమితాబ్తో చెబితే ‘బెనర్జీ ఉన్నాడు కదా చేసేస్తాడు’ అని అనడంతో అందరూ ఓకే చేశారు. చిన్న ఫైట్, ఇతరత్రా డైలాగులున్నాయి.
400 సినిమాలు చేశారు. అందులో ఎన్నో మైల్స్టోన్స్ ఉండి ఉంటాయి..? మీకు బాగా గుర్తింపు తీసుకొచ్చినవేవి..?
బెనర్జీ: 1985లో నానాపటేకర్ వేషం వేశా. అందులో రజనీకాంత్ హీరో. తర్వాత చాలా చేశా. ఆర్జీవీ ‘గాయం’, ‘జైత్రయాత్ర’లో మంచి పాత్ర వేశాను. తేజ ‘నువ్వు నేను’ ఇలా చాలా సినిమాలు చేశాం.
చిరంజీవిపై బయోపిక్ తీయాలని అన్నారట..అవసరమైతే ‘నేనే తీస్తా’ అన్నారని విన్నాం?
బెనర్జీ: అలాంటిదేమీ లేదు. రాంగ్ కాన్సెప్ట్. అవన్నీ యూట్యూబ్లో రాసేస్తారు. శీర్షిక చూడగానే చదువుతారని రాస్తారు. అది నిజం కాదు. చిరంజీవి చాలా మంచి మనిషి. ఆయన దగ్గర నటుడిగా ఎన్నో నేర్చుకోవాలి. ఎవరెన్ని తిట్టినా, ఏమన్నా పట్టించుకోరు. ఒక స్టేజీ మీద మాట్లాడుతూ చిరంజీవి అనుమతి తీసుకొని ఆయన పడిన బాధలు, కష్టాలు, అవమానాలు, విజయాలను ఒక సినిమాగా తీయగలిగితే బ్రహ్మాండంగా ఉంటుందని చెప్పా. కానీ నేను చేస్తానని చెప్పలేదు. చిరంజీవి చాలా మంచి హ్యూమన్ బీయింగ్. ఆయన చేసే సేవలు కొన్ని మాత్రమే తెలుస్తున్నాయి. ఇంకా చాలా ఎవరికీ తెలియవు. సినిమా ఇండస్ట్రీలోని 24 క్రాఫ్ట్లు కాకుండా బయటి వాళ్లకు కూడా కొవిడ్ సమయంలో చాలా సహాయం చేశారు.
మీరు నిర్మాతగా మారిన తర్వాత ఏయే సినిమాలు చేశారు..? ఎందుకు నిర్మాతగా మారారు..?
బెనర్జీ: మాతో ఉన్న వారిలో కో-డైరెక్టర్లు మోహన్గాంధీ, నందకుమార్, విశ్వం, షిండే ఉన్నారు. నందకుమార్కు డైరెక్టర్ కావాలని ఉన్నా అవకాశాలు రాలేదు. ఆయన కోసం సినిమా తీశా. ‘ధర్మ యుద్ధం’ చేశాం. ‘వన్స్మోర్’ తీసినా సీరియస్గా తీసుకోలేదు. నాకు పని కావాలి. దాని కోసమే ఏదో ఒకటి చేశా.
మీకు బాగా మనస్తాపం, బాధ కలిగించిన సంఘటనలు ఉన్నాయా..?
బెనర్జీ: పెద్దగా ఏమీ లేవు. నాకు మొదటి నుంచి అందరూ తెలిసిన వాళ్లే. మనం ఎలా ఉంటే.. ఇతరులు అలాగే ఉంటారనే అభిప్రాయం నాది. ఒకట్రెండు సినిమాలకు అడ్వాన్సు ఇచ్చి, దుస్తులు కుట్టించిన తర్వాత వద్దన్నారు.
కమ్యూనిస్టు భావాలు ఉన్నాయని విన్నాం. నిజమేనా..?
బెనర్జీ: రకరకాల పేర్లు పెట్టినా.. నా వరకు అందరూ గౌరవించుకోవాలి. సమానత్వం ఉండాలని కోరుకుంటా.
ఆర్జీవీ, కృష్ణవంశీతో చేశారు. వీరితో ఎలాంటి అనుబంధం ఉంది..?
బెనర్జీ: ఆర్జీవీతో గాయం, సత్య చేశా. వంశీతో గులాబీ చేశా. మా అభిప్రాయాలు ఒకే రకంగా ఉండటంతో కలిసి పోయాం.
నటనతో పాటు మూవీ ఆర్టిస్టు అసోసియేషన్లో పని చేయాలనే ఆలోచన ఎలా వచ్చింది..?
బెనర్జీ: సినీ పెద్దలు ఆరంభించారు. నేను అందులో పాలు పంచుకున్నా. సాధ్యమైనంత వరకూ సేవ చేసే అవకాశం లభించింది.
మీ తరంతో పోల్చుకుంటే ఇప్పటి వారికి అవకాశాలు సులువుగా లభిస్తున్నాయనిపిస్తోందా?
బెనర్జీ: అవకాశాలు ఎప్పుడూ తేలికగా రావు. కాకపోతే అవకాశాలు పెరిగాయి. అందుకే చాలా మంది నటించేందుకు వీలు దొరికింది.
భవిష్యత్తులో సినిమా రంగంలో ఎలాంటి మార్పులు రాబోతున్నాయి?
బెనర్జీ: సినిమా థియేటర్లు తగ్గిపోతాయి. వాటికొచ్చే సినిమాలు తగ్గిపోనున్నాయి. సమయం ఇతరత్రా కారణాలతో థియేటర్లకు వెళ్లే వారి సంఖ్య తగ్గిపోతుంది. అంతా ఓటీటీకి వెళ్తారు. గతంతో పోలిస్తే చాలా మార్పులు వచ్చాయి. మెరుగైన మార్పులు చూస్తున్నాం.
లిఫ్ట్ ఇండియా చిత్రోత్సవంలో 40 దేశాల నుంచి 250 సినిమాలు ఎంపికైతే మీరు నటించిన ‘రక్తం’కు ఉత్తమ నటుడి అవార్డు వచ్చింది కదా!
బెనర్జీ: చాలా సంతోషంగా భావించిన సినిమా రక్తం. రాజేష్ మళయాళీ డైరెక్టర్. గతంలో నా చిట్టితల్లీ సినిమా చేశారు. జాతీయ అవార్డు వచ్చింది. రక్తంలో ప్రధాన పాత్రకు చేయాలని అడిగారు. గత 40 ఏళ్లుగా ఇలాంటి సినిమా కోసం చూస్తున్నా అని చెప్పా. అమెరికన్ ఫిల్మ్ ఫెస్టివల్లో బెస్ట్ యాక్టర్ అవార్డు అంటే డైరెక్టర్, నిర్మాతతో కలిసి వెళ్లాం..కానీ ఉత్తమ చిత్రం అవార్డు వచ్చింది. నాకు రాలేదు. తర్వాత లిఫ్ట్ ఇండియా చిత్రోత్సవంలో ప్రదర్శించారు. నేను బయటకు వెళ్లినపుడు బెస్ట్ యాక్టర్ అవార్డు ప్రకటించారని డైరెక్టర్ వచ్చి చెప్పారు.
అమితాబ్ బచ్చన్ సినిమాలో అవకాశం వస్తే తిరస్కరించారని విన్నాం. నిజమేనా..?
బెనర్జీ: అమితాబ్ నేను డైరెక్టు చేస్తే నటిస్తానన్నారు. పూర్ణ చంద్రరావు ఓకే చెప్పారు. కానీ నేను డైరెక్టర్గా చేయనని చెప్పా.
మీకు షూటింగ్ లొకేషన్లో బాగా కోపం వచ్చిన సందర్భం ఉందా..?
బెనర్జీ: ఒకసారి అమితాబ్ అంధాకానూన్ సినిమా చేస్తున్నాం. చైల్డ్ సెంటిమెంటు. అమితాబ్ అమ్మాయికి చాక్లెట్ ఇస్తారు. అమ్మాయి చనిపోతే చాక్లెట్ పెట్టాలి. సమయానికి చాక్లెట్ లేదు. 5 కి.మీ దూరం వెళ్లి చాక్లెట్ తీసుకొచ్చి షూటింగ్ పూర్తి చేశాం. ఎవరి పని వారు చేయకపోతే అరుస్తాం. అందరం మనుషులమే కదా..!
‘మా’ ఎన్నికల్లో ప్రకాశ్రాజ్కు మద్దతు ఇచ్చారు. మోహన్బాబుతో ఎంత సన్నిహితంగా ఉన్నా దూరంగానే ఉన్నారు..?
బెనర్జీ: ప్రకాశ్రాజ్ ఏడాది ముందే చెప్పారు. సేవా కార్యక్రమాలు చాలా చేస్తారు. మోహన్బాబుకు కూడా చెప్పారు. తర్వాత ఏమయ్యిందో విష్ణుని తీసుకొచ్చారు. ఇప్పుడు ప్రకాశ్రాజ్ను చేద్దాం. రెండేళ్ల తర్వాత విష్ణుకు అవకాశం ఇద్దామని చిరంజీవి చెప్పారు. అయినా మోహన్బాబు విష్ణుకు మద్దతు ఇవ్వాలని కోరారు. కుదరదని చెప్పా. ఎన్నికల్లో మోహన్బాబు ఇష్టం వచ్చినట్టు తిట్టారు. చాలా హర్ట్ అయ్యా. అందుకే బయటకు వచ్చాం.
మీ కుటుంబం గురించి చెప్పండి?
బెనర్జీ: ఒక అమ్మాయి. కొవిడ్ సమయంలోనే అమెరికాలో పెళ్లి చేశాం. నా భార్య నుంచి నేను చాలా నేర్చుకున్నా.
కొత్తగా వచ్చే నటులకు మీరిచ్చే సలహా?
బెనర్జీ: మంచీ, చెడూ తెలుసుకొని పని చేయాలి. నటులు ఎవరికైనా కష్టనష్టాలు వస్తాయి. భయపడొద్దు. క్రమశిక్షణ, సమయపాలన కలిగి ఉండాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు. -
Varun Tej: కల్యాణ్ బాబాయ్ ఇలా చెప్పడం అరుదు: వరుణ్ తేజ్
తన కొత్త సినిమా ‘ఆపరేషన్ వాలెంటైన్’ మార్చి 1న విడుదల కానున్న సందర్భంగా విలేకరులతో ముచ్చటించారు హీరో వరుణ్ తేజ్. -
Sundeep Kishan: అలా చేసుంటే మీ సినిమా బ్లాక్బస్టర్ అయ్యేది: సందీప్ కిషన్తో అభిమాని
తన అభిమానులతో సోషల్ మీడియా వేదికగా ముచ్చటించారు హీరో సందీప్ కిషన్.
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం