Nani: కొత్త చిత్రానికి శ్రీకారం

కథానాయకుడు నాని (Nani) కొత్త చిత్రానికి శ్రీకారం చుట్టారు. ఆయన నటిస్తున్న ఈ 30వ (Nani 30) సినిమాతో శౌర్యువ్‌ అనే మరో కొత్త దర్శకుడు తెరకు పరిచయమవుతున్నారు. చెరుకూరి మోహన్‌, విజయేందర్‌ రెడ్డి, మూర్తి కలగర సంయుక్తంగా నిర్మిస్తున్నారు. మృణాల్‌ ఠాకూర్‌ (Mrunal Thakur) కథానాయిక. ఈ సినిమా మంగళవారం హైదరాబాద్‌లో పూజా కార్యక్రమాలతో ప్రారంభమైంది. ముహూర్తపు సన్నివేశానికి చిరంజీవి (Chiranjeevi) క్లాప్‌ కొట్టగా.. అశ్వినీదత్‌ కెమెరా స్విచ్చాన్‌ చేశారు. బుచ్చిబాబు, కిషోర్‌ తిరుమల, హను రాఘవపూడి, వశిష్ఠ, వివేక్‌ ఆత్రేయ సంయుక్తంగా గౌరవ దర్శకత్వం వహించారు. విజయేంద్ర ప్రసాద్‌ స్క్రిప్ట్‌ అందించారు. తండ్రీకూతుళ్ల అనుబంధాల నేపథ్యంలో సాగే కథతో రూపొందుతోన్న చిత్రమిది. బుధవారం నుంచే రెగ్యులర్‌ చిత్రీకరణ మొదలుకానుంది. సంగీతం: హేషమ్‌ అబ్దుల్‌ వహాబ్‌, కూర్పు: ప్రవీణ్‌ ఆంటోని, ఛాయాగ్రహణం: సాను జాన్‌ వర్గీస్‌.