Updated : 06 Jan 2021 20:12 IST

మెగాస్టార్‌.. మరోసారి చెప్పేశారు

‘ఆచార్య’లోని ఆలయ సెట్‌ వీడియో పంచుకున్న చిరు

హైదరాబాద్‌: గతంలో అధికారిక ప్రకటనకు ముందే సినిమా పేరును ‘ఆచార్య’ అని చెప్పిన మెగాస్టార్‌ చిరంజీవి నాలిక్కరుచుకున్న విషయం తెలిసిందే. ఎంతో రహస్యంగా ఉంచాలనుకున్న టైటిల్‌ను చిరు ప్రకటించడంతో చిత్రబృందం కాస్త నిరాశకు గురైంది. అయితే.. అప్పటి నుంచే సినిమాపై ఆసక్తి మరింత పెరిగింది. ఇదిలా ఉండగా.. తాజాగా మెగాస్టార్‌ మరోసారి ఓ రహస్యాన్ని బయటపెట్టారు. ఈసారి అనుకోకుండా కాదు.. కావాలనే చేశారు. సినిమాకు హైలైట్‌గా నిలిచే ఓ ఆలయ సెట్‌కు సంబంధించిన వీడియోను ట్విటర్‌లో పంచుకున్నారాయన.

చిరంజీవి నటిస్తున్న ‘ఆచార్య’ సినిమా కొరటాల శివ దర్శకత్వంలో తెరకెక్కుతోంది. ప్రస్తుతం చిత్రీకరణ పనులు హైదరాబాద్‌లో శరవేగంగా సాగుతున్నాయి. ఇందులో మెగాపవర్‌స్టార్‌ రామ్‌చరణ్‌ కూడా ఓ కీలక పాత్ర పోషించనున్నారు. ఈ చిత్రానికి ఆర్ట్‌ డైరెక్టర్‌గా సురేశ్‌ సెల్వరాజన్‌ పనిచేస్తున్నారు. ఈమధ్యే.. చరణ్‌ సైతం ఈ సెట్‌ను పరిశీలించి సురేశ్‌ను మెచ్చుకున్న విషయం తెలిసిందే. మ్యాట్నీ ఎంటర్‌టైన్‌మెంట్స్‌, కొణిదెల ప్రొడెక్షన్‌ కంపెనీ సంయుక్తంగా తెరకెక్కిస్తున్నాయి. రామ్‌చరణ్‌ నిర్మాతగా వ్యవహరిస్తున్నారు. 

ఇదీ చదవండి..

‘అల’రించిన సంగీత కచేరి.. ఇంకా చూడలేదా?


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని