Chiranjeevi: సీఎం జగన్‌తో ముగిసిన చిరంజీవి భేటీ

అమరావతి: ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డితో అగ్ర కథానాయకుడు చిరంజీవి భేటీ ముగిసింది. సుమారు గంటన్నరపాటు సాగిన ఈ సమావేశంలో సినిమా పరిశ్రమకు సంబంధించిన అనేక అంశాలపై ఇరువురు చర్చించారు. ప్రధానంగా టికెట్‌ ధరల అంశాన్ని చిరు, జగన్‌ దృష్టికి తీసుకొచ్చారు. సమావేశం అనంతరం చిరంజీవి నేరుగా గన్నవరం విమానాశ్రయానికి బయలుదేరి వెళ్లారు. ప్రస్తుతం సినిమా పరిశ్రమ ఎదుర్కొంటున్న సమస్యలను సీఎం జగన్‌కు చిరంజీవి వివరించారు. అదే విధంగా సినిమా టికెట్‌ ధరలను పెంచాలని, పరిశ్రమకు ప్రత్యేక ప్రోత్సాహకాలు ఇవ్వాలని కోరారు. కొవిడ్‌ దృష్ట్యా సినీ కార్మికులు కష్టాల్లో ఉన్నారని, వారిని ఆదుకోవాలని విజ్ఞప్తి చేశారు.