Cobra: విక్రమ్‌ ‘కోబ్రా’.. విడుదల తేదీ మారింది.. వీడియో అదిరింది!

ఇంటర్నెట్‌ డెస్క్‌: విక్రమ్‌ (Chiyaan Vikram) విభిన్న గెటప్పుల్లో నటించిన యాక్షన్‌ థ్రిల్లర్‌ చిత్రం ‘కోబ్రా’ (Cobra). అజయ్‌ జ్ఞానముత్తు దర్శకత్వం వహించిన ఈ సినిమా కొత్త విడుదల తేదీ ఖరారైంది. ఆగస్టు 11న ప్రేక్షకుల ముందుకు తీసుకొస్తున్నట్టు చిత్ర బృందం సోషల్‌ మీడియా వేదికగా ప్రకటించింది. ఈ మేరకు ఓ వీడియోను విడుదల చేసింది. ఇందులో విక్రమ్‌ లుక్‌, నేపథ్య సంగీతం అందరినీ ఆకట్టుకునేలా ఉన్నాయి. ఈ చిత్రంలో విక్రమ్‌ గొప్ప గణిత శాస్త్రవేత్తగా కనిపించనున్నారు. శ్రీనిధి శెట్టి, మృణాళిని రవి, కె.ఎస్‌. రవికుమార్‌ తదితరులు కీలక పాత్రలు పోషించారు. క్రికెటర్‌ ఇర్ఫాన్‌ పఠాన్‌ ముఖ్య పాత్రలో సందడి చేయనున్నారు. 7 స్క్రీన్‌ స్టూడియో సంస్థ నిర్మించిన ఈ చిత్రానికి ఎ. ఆర్‌. రెహమాన్‌ సంగీతం అందించారు. ఈ సినిమా మే 26న విడుదలకావాల్సింది.