లావణ్య సాంగ్‌ అదుర్స్‌.. వరుణ్‌తేజ్‌ అరుదైన ఫొటో

ఇంటర్నెట్‌డెస్క్‌: మణిరత్నం దర్శకత్వంలో అరవిందస్వామి-మనీషా కొయిరాలా జంటగా నటించిన బ్లాక్‌ బస్టర్‌ చిత్రం ‘బొంబాయి’. ఇందులోని పాటలు అందరినీ అలరించాయి. ముఖ్యంగా ‘కన్నానులే కలయికలు’ పాట ఎవర్‌గ్రీన్‌. ఆ పాటకు కథానాయిక లావణ్య త్రిపాఠి మళ్లీ ఆడిపాడారు. ఈ సందర్భంగా తీసిన వీడియోను అభిమానులతో పంచుకున్నారు. ‘కేజీయఫ్‌’ నటుడు యశ్‌-రాధిక పండిట్‌లకు ఇటీవల ఓ కుమారుడు జన్మించిన సంగతి తెలిసిందే. తాజాగా అతడికి ‘యతర్వ్‌ యశ్‌’ అని పేరు పెట్టారు. అంటే ‘సంపూర్ణమైన వ్యక్తి’ అని అర్థమట. ఆ కార్యక్రమానికి సంబంధించిన వీడియోను యశ్‌ అభిమానులతో పంచుకున్నాడు. వినాయక నిమజ్జన వేడుకల్లో బాలీవుడ్‌ నటుడు హృతిక్‌ రోషన్‌ పాల్గొన్నాడు. కుటుంబ సభ్యులతో కలిసి చేసిన సందడి వీడియో షేర్‌ చేశారు. సాయితేజ్‌ హెయిర్‌స్టైల్‌ అంటే వరుణ్‌కు ఎంతో ఇష్టమట. చిన్నప్పుడు వీరిద్దరూ కలిసి దిగిన ఫొటోను వరుణ్‌ పంచుకున్నారు. ఇలా తాజాగా మన సినీ తారలు పంచుకున్న ఆసక్తికర పోస్టులు చూసేయండి.