‘ఇండియన్‌ 2’ తిరిగి సెట్స్‌పైకి!

చెన్నై: కమల్‌హాసన్‌ కథానాయకుడిగా శంకర్‌ మొదలుపెట్టిన ‘ఇండియన్‌ 2’ కొన్ని నెలలుగా ఆగిపోయింది. తాజాగా ఈ సినిమాను మళ్లీ సెట్స్‌పైకి తీసుకెళ్లే సన్నాహాలు జరుగుతున్నట్టు తెలుస్తోంది. ఈ చిత్రంలో ఇటీవలే మరణించిన ప్రముఖ హాస్య నటుడు వివేక్‌కి సంబంధించిన సన్నివేశాలను రీ షూట్‌ చేయనున్నారట. వివేక్‌పై కొన్ని సన్నివేశాలు తీయాల్సి ఉండగానే...ఆయన మరణించడంతో ఆయన స్థానంలో త్వరలోనే మరో నటుడిని ఎంపిక చేయనున్నారట శంకర్‌. త్వరలోనే ఆ సన్నివేశాలను తెరకెక్కించనున్నట్టు సమాచారం. ‘ఇండియన్‌ 2’ని పూర్తిచేశాకే శంకర్‌ తన ఇతర చిత్రాలను మొదలుపెట్టాలంటూ ‘ఇండియన్‌ 2’ నిర్మాతలు కోర్టుని ఆశ్రయించారు. దర్శక నిర్మాతలు సామరస్య పూర్వకంగా సమస్యని  పరిష్కరించుకోవాలని కోర్టు సూచించినట్టు తెలుస్తోంది.