Criminal Justice: ‘క్రిమినల్‌ జస్టిస్‌ 3’ వచ్చేస్తోంది.. ఉత్కంఠ భరిత ట్రైలర్‌ చూశారా!

‘క్రిమినల్‌ జస్టిస్‌ 3’ వెబ్‌ సిరీస్‌ ట్రైలర్‌. తాజాగా ట్రైలర్‌ విడుదలైంది. ఈ సిరీస్‌ ఎప్పుడు విడుదలవుతుందంటే...

Published : 10 Aug 2022 22:22 IST

ఇంటర్నెట్‌ డెస్క్‌: క్రైమ్‌ థ్రిల్లర్‌ నేపథ్యంలో రూపొంది, విశేష ప్రేక్షకాదరణ పొందిన వెబ్‌ సిరీస్‌ ‘క్రిమినల్‌ జస్టిస్‌’. ఇప్పటికే రెండు సీజన్లతో అలరించిన ఈ సిరీస్‌ త్వరలోనే మూడో సీజన్‌తో (Criminal Justice Adhura Sach) ప్రేక్షకుల ముందుకు రాబోతోంది. ఈ సందర్భంగా ట్రైలర్‌ విడుదలైంది. సాయం కావాలంటూ ఓ మహిళ.. న్యాయవాదికి విజ్ఞప్తి చేసే సన్నివేశంతో ప్రారంభమైందీ ట్రైలర్‌. ఓ బాల నటి హత్యకు గురికావడం, ఆరోపణలు ఎదుర్కొంటున్న యువకుడిని పోలీసులు విచారించటం తదితర ఉత్కంఠ భరిత సన్నివేశాలు ఈ వీడియోలో ఉన్నాయి. అడ్వకేట్‌ మాధవ్‌ మిశ్రా పాత్రలో పంకజ్‌ త్రిపాఠీ కనిపించారు. శ్వేతాబసు ప్రసాద్‌, స్వస్తిక ముఖర్జీ, ఆదిత్యా గుప్తా తదితరులు కీలక పాత్రలు పోషించారు. రోహన్‌ సిప్పీ దర్శకత్వం వహించిన ఈ సిరీస్‌ ఓటీటీ ‘డిస్నీ+ హాట్‌స్టార్‌’లో (Disney+ Hotstar) ఈ నెల 26 నుంచి స్ట్రీమింగ్‌ కానుంది.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts