Daksha: యువ తారల వినూత్న ప్రయత్నమే ‘దక్ష’

హైదరాబాద్: కరోనా విపత్కర పరిస్థితులు ఎన్ని ఎదురైనా తమ వినూత్న ప్రయత్నాన్ని ఆపలేవని యువ దర్శకుడు వివేకానంద విక్రాంత్‌ తెలిపారు. ఆయన దర్శకత్వంలో సీనియర్‌ నటుడు శరత్‌బాబు తనయుడు ఆయుష్ కథానాయకుడిగా నటిస్తున్న సైకలాజికల్‌ సస్పెన్స్‌ థ్రిల్లర్‌ ‘దక్ష’. నక్షత్ర, అను కీలక పాత్రలు పోషించారు. శరవేగంగా చిత్రీకరణ జరుపుకొంటున్న ఈ సినిమాను వేసవి కానుకగా విడుదల చేసేందుకు సన్నాహాలు చేస్తున్నారు. ఈ సందర్భంగా నగరంలో ఏర్పాటు చేసిన కార్యక్రమంలో సినిమా బృందం పాల్గొని సందడి చేసింది.

అరకులోని పలు అందమైన లొకేషన్‌లతో పాటు నగరంలోనూ షూటింగ్‌ చేశామని నిర్మాత తల్లాడ సాయి కృష్ణ తెలిపారు. ఇప్పటి వరకు తెలుగులో చూడని వినూత్నమైన సైకలాజికల్‌ సస్పెన్స్‌ థ్రిల్లర్‌గా ‘దక్ష’ రూపొందించామని అన్నారు. గత రెండు సంవత్సరాలుగా కరోనా వలన ఎన్ని ఆటంకాలు ఎదురైనా ప్రేక్షకులకు మంచి సినిమా అందించాలనే లక్ష్యంతో తమ యువ బృందం నిరంతరం శ్రమిస్తుందని హీరో ఆయుష్‌ చెప్పుకొచ్చారు. ఈ ఏడాది ‘దక్ష’ రూపంలో మంచి సక్సెస్‌ అందుకోబోతున్నామని సినీతారలు నక్షత్ర, అను తమ హర్షం ప్రకటించారు.