Feedback | E-PAPER | Pratibha

Dasara: ‘బాహుబలి’.. ‘ఆర్‌ఆర్ఆర్‌’.. ఇప్పుడు ‘దసరా’!

Dasara: నాని కథానాయకుడిగా నటించిన ‘దసరా’ మూవీ ప్రపంచవ్యాప్తంగా భారీ స్థాయిలో విడుదలవుతోంది.

Published : 30 Mar 2023 01:52 IST

హైదరాబాద్‌: నాని (Nani) కథానాయకుడిగా శ్రీకాంత్‌ ఓదెల దర్శకత్వంలో తెరకెక్కిన పాన్‌ ఇండియా మూవీ ‘దసరా’ (Dasara). కీర్తిసురేశ్‌ (keerthy suresh) కథానాయిక. అన్ని కార్యక్రమాలు పూర్తి చేసుకున్న ఈ చిత్రం మార్చి 30న ప్రేక్షకుల ముందుకు రానుంది. సినిమా నేపథ్యం, నాని లుక్‌, ప్రచార చిత్రాలు ఈ సినిమాపై మంచి అంచనాలను పెంచాయి. ఈ క్రమంలో చిత్ర బృందం ఈ సినిమాను భారీగా విడుదల చేయాలని నిర్ణయించింది. తెలుగు రాష్ట్రాల్లో అత్యధిక థియేటర్‌లలో ‘దసరా’ విడుదల కానుంది.

తెలుగు, హిందీ, తమిళ్‌, మలయాళం, కన్నడ భాషల్లో విడుదలవుతున్న ఈ సినిమా ప్రపంచవ్యాప్తంగా 3వేలకు పైగా థియేటర్స్‌లో భారీగా విడుదలవుతోంది. ఇప్పటివరకూ అతి తక్కువ చిత్రాలు మాత్రమే 3వేలు అంతకన్నా ఎక్కువ థియేటర్స్‌లో విడుదలయ్యాయి. ‘బాహుబలి- 1, 2’, సాహో, సైరా, పుష్ప, రాధేశ్యామ్‌, ఆర్‌ఆర్‌ఆర్‌, లైగర్‌ ఇప్పటివరకూ అత్యధిక థియేటర్స్‌లో విడుదలైన తెలుగు చిత్రాలుగా రికార్డు సృష్టించగా, ఈ జాబితాలో నాని మూవీ కూడా చేరింది.

ఇప్పటివరకూ చూడని సరికొత్త లుక్‌లో నాని కనిపిస్తున్నారు. కథకు ఉన్న డిమాండ్‌ బట్టి చిత్ర నిర్మాణ సంస్థ భారీగానే ఖర్చు చేసినట్లు సమాచారం. క్లైమాక్స్ కోసం ఏకంగా రూ.5 కోట్లు ఖర్చు పెట్టారట. పతాక సన్నివేశాలు ఎమోషన్స్‌తో పాటు, మాస్‌ను మెప్పించే ఫైట్స్‌తో సాగుతుందని తెలుస్తోంది.

► Read latest Movies News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.