SSMB29: మహేశ్ సినిమాలో దీపికా పదుకొణె...!

హైదరాబాద్‌: రాజమౌళి (Rajamouli) దర్శకత్వంలో సూపర్‌స్టార్‌ మహేశ్‌ బాబు(Mahesh Babu) ఓ సినిమా చేయనున్న విషయం తెలిసిందే. ఇంకా పేరు ఖరారుకాని ఈ చిత్రాన్ని ‘SSMB29’గా పిలుస్తున్నారు. ఈ సినిమాపై రోజుకొక వార్త సంచలనం సృష్టిస్తోంది. నిన్నటి వరకు ఈ భారీ బడ్జెట్‌ చిత్రంలో తమిళ హీరో కార్తి ఉన్నారంటూ ప్రచారం జరిగింది. ఇక ఈ రోజు ఈ సినిమాకు సంబంధించి మరో వార్త నెట్టింట హల్‌చల్‌ చేస్తోంది. బాలీవుడ్‌ ప్రముఖ కథానాయిక దీపికా పదుకొణె(Deepika Padukone) ఈ చిత్రంలో కీలకపాత్ర పోషించనున్నారట. చిత్రబృందం నుంచి ఎటువంటి అధికారిక ప్రకటన రాకపోయిన ఈ వార్త మాత్రం తెగ చక్కర్లు కొడుతోంది.

యాక్షన్‌ ప్రధానంగా రానున్న ఈ సినిమా రాజమౌళి కెరీర్‌లోనే అతి పెద్ద చిత్రంగా నిలవనుంది. ఈ చిత్రాన్ని పాన్‌ ఇండియా స్థాయిలో కె.ఎల్‌. నారాయణ నిర్మించనున్నారు. ఇక ప్రస్తుతం ప్రభాస్‌ హీరోగా రూపుదిద్దుకుంటోన్న ప్రతిష్ఠాత్మక చిత్రం ‘ప్రాజెక్ట్‌ కె’ (వర్కింగ్‌ టైటిల్‌) (Project K)లో దీపికా నటిస్తోంది. నాగ్‌ అశ్విన్‌ తెరకెక్కిస్తున్న ఈ చిత్రంలో అమితాబ్‌ బచ్చన్‌(Amitabh Bachchan) కీలకపాత్ర పోషిస్తున్నారు.