Dejavu: అమెజాన్‌ ప్రైమ్‌లో అలరిస్తున్న మిస్టరీ థ్రిల్లర్ ‘డెజావు’

ఇంటర్నెట్‌డెస్క్‌: కంటెంట్ ప్రధానంగా తెరకెక్కిన మిస్టరీ థ్రిల్లర్ చిత్రం ‘డెజావు’. ఈ ఏడాది జులైలో తమిళంలో విడుదలైన ఈ సినిమా బాక్సాఫీస్‌ వద్ద మంచి టాక్‌ను సొంతం చేసుకుంది. అంతేకాదు, విమర్శకుల ప్రశంసలు అందుకుంది. తాజాగా ఈ చిత్రం అమెజాన్ ప్రైమ్ వీడియోలో తెలుగులో స్ట్రీమింగ్ అవుతోంది. అరుళ్‌నిధి, మధుబాల, స్మృతి వెంకట్, అచ్యుత్ కుమార్, కాళీ వెంకట్, మీమీ గోపి ప్రధాన పాత్రల్లో నటించిన మిస్టరీ థ్రిల్లర్‌ ఇది. అరవింద్ శ్రీనివాసన్ దర్శకుడు. ఆసక్తికర కథా, కథనాలతో సినిమాను తీర్చదిద్దిన విధానం మెప్పిస్తోంది. ఒక నవల రచయిత ఊహించిన పాత్రలు సజీవంగా వచ్చి అతన్ని బెదిరించినప్పుడు ఏం జరిగింది? కల్పన అనేది భయానక వాస్తవంగా మారినప్పుడు ఏమైంది? అనేది ఈ చిత్రంలో చూపించారు. నిర్మాత రాజశేఖర్‌ అన్నభీమోజు దీన్ని తెలుగు ప్రేక్షకుల ముందుకు ఓటీటీలో తీసుకువచ్చారు.