Dhanush: ‘సార్‌’.. పనిలో దిగారు

ధనుష్‌ హీరోగా వెంకీ అట్లూరి తెరకెక్కిస్తున్న ద్విభాషా చిత్రం ‘సార్‌’. సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంస్థలు సంయుక్తంగా నిర్మిస్తున్నాయి. సంయుక్తా మేనన్‌  కథానాయిక. ఇటీవలే పూజా కార్యక్రమాలతో లాంఛనంగా మొదలైన ఈ చిత్రం.. శుక్రవారం నుంచి హైదరాబాద్‌లో రెగ్యులర్‌ చిత్రీకరణ ప్రారంభించుకుంది. ఈ విషయాన్ని ధనుష్‌ ట్విటర్‌ ద్వారా తెలియజేశారు. ఈ సందర్భంగా సెట్లోని స్టిల్‌ను అభిమానులతో   పంచుకున్నారు. ఈ ఫొటోలో ఆయన ఫార్మల్‌ దుస్తుల్లో చాలా సింపుల్‌గా కనిపించారు. విద్యావ్యవస్థ నేపథ్యంలో సాగే ఆసక్తికర కథాంశంతో ఈ సినిమా రూపొందిస్తున్నట్లు  సమాచారం. ఇది తమిళంలో ‘వాతి’ పేరుతో విడుదల కానుంది. ఈ చిత్రానికి సంగీతం: జి.వి.ప్రకాష్‌, కూర్పు: నవీన్‌ నూలి, ఛాయాగ్రహణం: దినేష్‌ కృష్ణన్‌.